Prokýratýra: Serikjan Bilásh "qytaılyqtarǵa qarsy soǵysqa shaqyrǵan"

2138
Adyrna.kz Telegram

Qytaı qazaqtarynyń máselesin kóterip júrgen Serikjan Biláshtiń ustalýyna Almatyda 8 aqpanda ótken jıyndardyń birinde belsendiniń "azamattardy "jıhadqa" - etnıkalyq qytaılarǵa qarsy soǵysqa shaqyrýy" sebep bolǵan. Bul týraly Astana qalalyq prokýratýrasy habarlady.

Prokýratýra aqparatynda Biláshtiń ústinen tergeýdi jergilikti turǵynnyń aryzy boıynsha polıııa departamenti bıyl 21 qańtarda bastaǵany aıtylǵan.

"Bilásh sózinde ulttyq alaýyzdyqty qozdyrýǵa shaqyrýdyń bolǵanyn saıası saraptama qorytyndysy, áleýmettik jeliden alynǵan beınejazbalar, kýágerler jaýaptary jáne basqa da qujattar rastaǵan" deıdi prokýratýra.

10 naýryzda Almatydaǵy qonaq úılerdiń birinde polıııa tirkelmegen "Atajurt eriktileri" uıymynyń jetekshisi Serikjan Biláshti ustap, Astanaǵa alyp ketken. "Ultaralyq arazdyqty qozdyrdy" degen kúdikke ilingen Biláshti 11 naýryzda ýaqytsha qamaý ornynan shyǵardy. Sot sheshimimen ol eki aı merzimge úıqamaqqa alyndy.

 

Pikirler