ءمادينا ابىلقاسىموۆا جاڭا قىزمەتكە تاعايىندالدى

1886
Adyrna.kz Telegram

ءمادينا ابىلقاسىموۆا ۇلتتىق ەكونوميكا ءبىرىنشى ۆيتسە-ءمينيسترى بولىپ تاعايىندالدى. بۇل تۋرالى پرەمەر-ءمينيستردىڭ رەسمي سايتى حابارلادى.

ابىلقاسىموۆا باقىتجان ساعىنتاەۆ باسقارعان ۇكىمەتتە ەڭبەك جانە حالىقتى الەۋمەتتىك قورعاۋ ءمينيسترى بولعان.

21 اقپاندا قازاقستان پرەزيدەنتى نۇرسۇلتان نازارباەۆ ساعىنتاەۆ باسقارعان ۇكىمەتتى وتستاۆكاعا جىبەرگەن. نازارباەۆ وتستاۆكا تۋرالى جارلىققا قول قويماس بۇرىن ارنايى مالىمدەمە جاساپ ۇكىمەت جۇمىسىن سىناعان.

25 اقپاندا نازارباەۆ جاڭا ۇكىمەتتىڭ قۇرامىن بەكىتكەن. پرەزيدەنت جارلىعىمەن اسقار مامين پرەمەر-مينيستر بولىپ تاعايىندالعان. ابىلقاسىموۆانىڭ ورنىنا ەڭبەك جانە حالىقتى الەۋمەتتىك قورعاۋ ءمينيسترى بولىپ بەردىبەك ساپارباەۆ كەلگەن. ال رۋسلان دالەنوۆ ۇلتتىق ەكونوميكا ءمينيسترى بولىپ تاعايىندالعان.

4 اقپانعا قاراعان ءتۇنى استانانىڭ كوكتال-1 شاعىن اۋدانىندا جەكە ءۇيدىڭ اۋلاسىنداعى ۋاقىتشا باسپانا ورتەنىپ، ءبىر وتباسىنداعى 2006, 2008, 2013, 2015 جانە 2018 جىلى تۋعان بەس قىز بالا وپات بولعان ەدى.​ وسى وقيعادان كەيىن قازاقستاندا كوپ بالالى انالار بيلىكتەن جاردەماقىنى ءوسىرۋدى، الەۋمەتتىك ماسەلەلەرىن شەشۋدى تالاپ ەتىپ، نارازىلىققا شىققان. انالار سول كەزدەگى ەڭبەك جانە حالىقتى الەۋمەتتىك قورعاۋ ءمينيسترى بولعان ءمادينا ابىلقاسىموۆانىڭ قىزمەتتەن كەتۋىن دە تالاپ ەتكەن.

پىكىرلەر