Mädina Äbılqasymova ūlttyq ekonomika bırınşı vise-ministrı bolyp taǧaiyndaldy. Būl turaly premer-ministrdıŋ resmi saity habarlady.
Äbılqasymova Baqytjan Saǧyntaev basqarǧan ükımette eŋbek jäne halyqty äleumettık qorǧau ministrı bolǧan.
21 aqpanda Qazaqstan prezidentı Nūrsūltan Nazarbaev Saǧyntaev basqarǧan ükımettı otstavkaǧa jıbergen. Nazarbaev otstavka turaly jarlyqqa qol qoimas būryn arnaiy mälımdeme jasap ükımet jūmysyn synaǧan.
25 aqpanda Nazarbaev jaŋa ükımettıŋ qūramyn bekıtken. Prezident jarlyǧymen Asqar Mamin premer-ministr bolyp taǧaiyndalǧan. Äbılqasymovanyŋ ornyna eŋbek jäne halyqty äleumettık qorǧau ministrı bolyp Berdıbek Saparbaev kelgen. Al Ruslan Dälenov ūlttyq ekonomika ministrı bolyp taǧaiyndalǧan.
4 aqpanǧa qaraǧan tünı Astananyŋ Köktal-1 şaǧyn audanynda jeke üidıŋ aulasyndaǧy uaqytşa baspana örtenıp, bır otbasyndaǧy 2006, 2008, 2013, 2015 jäne 2018 jyly tuǧan bes qyz bala opat bolǧan edı. Osy oqiǧadan keiın Qazaqstanda köp balaly analar bilıkten järdemaqyny ösırudı, äleumettık mäselelerın şeşudı talap etıp, narazylyqqa şyqqan. Analar sol kezdegı eŋbek jäne halyqty äleumettık qorǧau ministrı bolǧan Mädina Äbılqasymovanyŋ qyzmetten ketuın de talap etken.
