جۋرناليستەرمەن كەزدەسۋدە ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا قازاقستاندىقتاردىڭ پرواكتيۆتى فورماتتا جاردەماقى الۋعا كەدەرگى كەلتىرەتىن اقپاراتتىق جۇيەلەردەگى قاتەلەر تۋرالى ءسوز قوزعادى، دەپ حابارلايدى "ادىرنا" پورتالى.
ءمينيستردىڭ ايتۋىنشا، جۋىردا بولىمشەگە جاردەماقى تاعايىنداۋ ءۇشىن بىردە-ءبىر سمس الا الماعان كوپ بالالى انا جۇگىنگەن.
«شىنىمەن دە، ونىڭ ءتورت بالاسى بار، وعان جاردەماقى بەرۋ كەرەك ەدى. الايدا احاج قۇجاتتارى 2008 جىلدان بەرى تسيفرلاندىرىلعان بولىپ شىقتى. ال ونىڭ ءبىر بالاسى 2005 جىلى تۋعان. احاج بولىمىندەگى اقپاراتتىق جۇيە بويىنشا ونىڭ ءۇش بالاسى بار. ال ءتورتىنشى بالا تۋرالى اقپارات قاعاز جۇزىندە. ءبىز ودان حقو-عا جۇگىنۋىن، ءوتىنىش جازۋىن سۇرادىق، سودان كەيىن بۇل بالانى بازاعا قوسامىز جانە ول جاردەماقى الا الادى. بارلىق اقپارات ەمەس. سول جىلداردان بەرى جۇيەلەر تسيفرلانعان، بۇل جەردە جۇيەدە وسىنداي قاتەلەر كەزدەسەدى وسىنداي قاتە بار»، - دەدى تامارا دۇيسەنوۆا.
ونىڭ ايتۋىنشا، بۇگىندە تسيفرلىق دامۋ مينيسترلىگى سەرۆيستىك قوسىمشالارمەن جۇمىس ىستەپ جاتىر، ونىڭ كومەگىمەن ادام قاجەت بولعان جاعدايدا وزگەرتۋلەر ەنگىزۋ ءۇشىن ءوز دەرەكتەرىن ەكى رەت تەكسەرە الادى. بۇل كەزەڭدە ازامات حالىققا قىزمەت كورسەتى ورتالىقتارىنا جۇگىنە الادى.
"وسىنداي كەمشىلىكتەر ءالى دە بار. سوعان بايلانىستى ەگەر بىرەۋگە سمس-حابارلاما كەلمەسە نەمەسە بىردەڭە تاعايىندالماسا، حالىققا قىزمەت كورسەتۋ ورتالىعىنا حابارلاسۋ قاجەت. بۇل ماسەلەنى ۇلكەن ماسەلەلەرسىز شەشۋگە بولادى", - دەدى ول.
"ادىرنا" ۇلتتىق پورتالى
