الدىنا موڭعول اسكەرىنىڭ جاۋىزدىعىن، ولاردىڭ ەشكىمدى ايامايتىنىن، جاس-كارى، ەركەك-ايەل دەمەي ءبارىن ولتىرەتىنىن، سوعىستا ولاردىڭ جاۋىزدىعىنا ەشكىمنىڭ تەڭ كەلمەيتىنىن ايتىپ كەلگەن تاريحشىنى بەيبارىس نە ءۇشىن زىندانعا تاستاعاندارى ەستەرىڭىزدە مە؟
- سەن تاريحشى ەمەسسىڭ! سەن موڭعولدارعا ساتىلىپ، ءبىزدىڭ رۋحىمىزدى وسىنداي اڭگىمەلەرمەن ءوشىرۋ ءۇشىن كەلگەنسىڭ! زىندانعا سالىڭدار مۇنى! - دەپ بۇيىرادى بەيبارىس.
بۇگىنگى قىتايدىڭ جاۋىزدىعى ءھام قاس ارەكەتتەرىن ءدال سولاي اۋىزدارىنان سۋلارى قۇرىپ تۇرىپ مەديادا ايتىپ جۇرگەندەر دە ءدال سونداي ساتقىندار دەپ ويلايمىن. ءبىز قازاقتار ەشقاشان قىتايلاردان قورىقپاعان ەدىك. ءتىپتى، كەشەگى تاۋەلسىزدىكتەن كەيىن كەشەگى كۇنگە شەيىن ولاردان قورىققان جوقپىز.
كەرىسىنشە، قىتايعا بارعان قازاقتار ول جاقتى ويرانداپ، مىنا جاقتا جۇرگەن قىتايلاردى وسى جاقتا ويرانداپ، بەرەكەسىن قاشىرىپ جۇرگەن جۇرت ەدىك. جوعارىداعى اتالعان "ساتقىنداردىڭ" كەسىرىنەن، سولاردىڭ ەلگە كەلىپ، قىتايلار تۋرالى مىڭ ءتۇرلى راس-وتىرىگى ارالاس ەرتەگىلەرىنەن كەيىن بۇگىن قازاق ءۇشىن ەڭ قورقىنىشتى قۇبىلىس - قىتاي بولىپ الدى. سونىڭ كەسىرىنەن بۇگىن ءبارىمىز قىتاي دەسە، ءسيىپ قويارداي كۇيدە وتىرمىز. قاي جەرگە كىرسەڭ دە، "ويباي، قىتاي جاۋلاپ الادى", "قىتاي ايامايدى", "قىتاي قىزىڭنىڭ انالىعىن ايىرىپ تاستايدى", "ولار دەگەن جاۋىز حالىق" دەگەن سياقتى جىلاۋىق قورقاۋلاردىڭ اڭگىمەلەرى ءورىپ ءجۇر. ول جاقتاعى قازاقتاردىڭ قيىن جاعدايدا وتىرعانىن جوققا شىعارمايمىن. بىراق، جاۋدىڭ قولىندا وتىرعان قانداسقا كومەك بەرۋدىڭ گۋماندى جولدارىن ۇسىنۋدىڭ ورنىنا، ءار سۇقباتتارىندا قىتايدىڭ جاۋىزدىعى تۋرالى ايتاتىنداردىڭ قازاققا جانى اشىپ وتىر دەپ ويلامايمىن. كەرىسىنشە، سول ارقىلى ولاردىڭ وزدەرى ءبىزدىڭ قىتايلاردىڭ استىنا جىعىپ بەرەدى تۇبىندە. جىعىلامىز. نەگە؟ ويتكەنى، رۋحى سىنعاندار ۇنەمى جىعىلادى.
دەمەك، قازىر ءبىرىنشى كەزەكتە سول يدەولوگيالىق ساتقىنداردى جازالاۋ كەرەك. ودان كەيىن قىتايلارمەن رازبەرەمسيا.
