Aldyna Mońǵol áskeriniń jaýyzdyǵyn, olardyń eshkimdi aıamaıtynyn, jas-kári, erkek-áıel demeı bárin óltiretinin, soǵysta olardyń jaýyzdyǵyna eshkimniń teń kelmeıtinin aıtyp kelgen tarıhshyny Beıbarys ne úshin zyndanǵa tastaǵandary esterińizde me?
- Sen tarıhshy emessiń! Sen Mońǵoldarǵa satylyp, bizdiń rýhymyzdy osyndaı áńgimelermen óshirý úshin kelgensiń! Zyndanǵa salyńdar muny! - dep buıyrady Beıbarys.
Búgingi Qytaıdyń jaýyzdyǵy hám qas áreketterin dál solaı aýyzdarynan sýlary quryp turyp medıada aıtyp júrgender de dál sondaı satqyndar dep oılaımyn. Biz qazaqtar eshqashan qytaılardan qoryqpaǵan edik. Tipti, keshegi Táýelsizdikten keıin keshegi kúnge sheıin olardan qoryqqan joqpyz.
Kerisinshe, Qytaıǵa barǵan qazaqtar ol jaqty oırandap, myna jaqta júrgen qytaılardy osy jaqta oırandap, berekesin qashyryp júrgen jurt edik. Joǵarydaǵy atalǵan "satqyndardyń" kesirinen, solardyń elge kelip, qytaılar týraly myń túrli ras-ótirigi aralas ertegilerinen keıin búgin qazaq úshin eń qorqynyshty qubylys - Qytaı bolyp aldy. Sonyń kesirinen búgin bárimiz qytaı dese, sıip qoıardaı kúıde otyrmyz. Qaı jerge kirseń de, "Oıbaı, qytaı jaýlap alady", "Qytaı aıamaıdy", "Qytaı qyzyńnyń analyǵyn aıyryp tastaıdy", "Olar degen jaýyz halyq" degen sııaqty jylaýyq qorqaýlardyń áńgimeleri órip júr. Ol jaqtaǵy qazaqtardyń qıyn jaǵdaıda otyrǵanyn joqqa shyǵarmaımyn. Biraq, jaýdyń qolynda otyrǵan qandasqa kómek berýdiń gýmandy joldaryn usynýdyń ornyna, ár suqbattarynda qytaıdyń jaýyzdyǵy týraly aıtatyndardyń qazaqqa jany ashyp otyr dep oılamaımyn. Kerisinshe, sol arqyly olardyń ózderi bizdiń qytaılardyń astyna jyǵyp beredi túbinde. Jyǵylamyz. Nege? Óıtkeni, rýhy synǵandar únemi jyǵylady.
Demek, qazir birinshi kezekte sol ıdeologııalyq satqyndardy jazalaý kerek. Odan keıin qytaılarmen razberemsıa.
