جامبىل وبلىسىنىڭ اكىمى نۇرجان نۇرجىگىتوۆتىڭ تاپسىرماسىنا سايكەس، وتكەن جىلى كلۋب قۇرىلىمدارىن پايدالانۋ قاجەتتىلىگىن انىقتاۋ ماقساتىندا جۇرگىزىلگەن زەردەلەۋدەن كەيىن 96 شتات بىرلىگىنىڭ قاجەتتىلىگى انىقتالىپ، ءتيىستى جۇمىستار جۇرگىزىلدى. ناتيجەسىندە 8 اۋدانعا 94 شتات ۇيىرمە جەتەكشىسى بەرىلىپ، 77 مامان قابىلداندى.
جاڭادان 111 ۇيىرمە اشىلعان دەسەك، ولاردىڭ قاتارىندا دومبىرا، ۆوكال، دراما، كوركەمسوز، بي، تاعى باسقالار بار.
بۇل تۋرالى ايماق باسشىسىنىڭ توراعالىعىمەن وتكەن كەڭەستە جان-جاقتى ايتىلىپ، مادەنيەت سالاسىنداعى اتقارىلىپ جاتقان جۇمىستار مەن ماسەلەلەر تالقىلاندى.
مادەنيەت، ارحيۆتەر جانە قۇجاتتاما باسقارماسىنىڭ باسشىسى ەرلان ءجۇنىسبايدىڭ ايتۋىنشا، وبلىس بويىنشا تۇرعىندارعا بارلىعى 510 مەكەمە مادەني مەكەمە قىزمەت كورسەتۋدە.
- وبلىس تۇرعىندارىنا مادەني-كوپشىلىك قىزمەت كورسەتىپ وتىرعان 197 مادەنيەت ءۇيى مەن كلۋبتاردا 841 ۇيىرمەگە 10 318 ادام قاتىسۋدا.
ءوزىڭىزدىڭ تاپسىرماڭىزعا سايكەس، كلۋب قۇرىلىمدارىن پايدالانۋ قاجەتتىلىگىن انىقتاۋ ماقساتىندا بىلتىرعى جىلى جۇرگىزىلگەن زەردەلەۋدەن كەيىن 96 شتات بىرلىگىنىڭ قاجەتتىلىگى انىقتالىپ، ءتيىستى جۇمىستار جۇرگىزىلدى. مويىنقۇم اۋدانى تاراپىنان 4 شتات بىرلىگى ارتىق بەرىلدى.
ناتيجەسىندە 8 اۋدانعا 94 شتات ۇيىرمە جەتەكشىسى بەرىلىپ، 77 مامان قابىلداندى. جاڭادان 111 ۇيىرمە اشىلىپ، 1393 بالالار قامتىلدى.
زەردەلەۋدىڭ قورىتىندىسىمەن قاجەتتىلىگى جوق ۇيىرمەلەر جابىلدى. جالپى، بالالار ۇيىرمەسى 120-عا، وعان قاتىسۋشىلار سانى 2172-گە ارتتى،-دەدى ەرلان ءجۇنىسباي.
سونداي-اق، باسقارمانىڭ اقپاراتىنشا كىتاپحانالار جانىنان اشىلعان 183 تسيفرلاندىرىلعان اقپاراتتىق ورتالىقتاردىڭ جۇمىسى زەردەلەنىپ، ەرەجەگە ساي كەلمەيتىن 58 تسيفرلاندىرىلعان اقپاراتتىق ورتالىقتىڭ بۇگىنگى كۇنگە بايزاق اۋدانىنىڭ 17, جامبىل اۋدانىنىڭ 13, ت.رىسقۇلوۆ اۋدانىنىڭ 1 كىتاپحاناسى قالپىنا كەلتىرىلدى.
قالعان 27 تسيفرلاندىرىلعان اقپاراتتىق ورتالىقتاردى قالپىنا كەلتىرۋ ءۇشىن، تەحنيكالىق جابدىقتارىنا اۋداندار تاراپىنان بيۋدجەتكە ءوتىنىم بەرىلدى.
2023 جىلعى ءى توقسانىنىڭ ەسەبى بويىنشا اقپاراتتىق ورتالىقتاردا egov.kz پورتالى ارقىلى 20 قىزمەت تۇرىنەن 19 552 انىقتاما بەرىلدى.
باسقوسۋدا اعىمداعى جىلى 14 مادەنيەت نىسانىنىڭ قۇرىلىسىن جۇرگىزۋگە بيۋدجەتتەن بارلىعى 1,4 ملرد.تەڭگە قارجى قاراستىرىلعان. اتالعان قاراجات ەسەبىنەن 2022 جىلدان وتپەلى 7 نىساننىڭ قۇرىلىس جۇمىستارى جۇرگىزىلۋدە.
سونىمەن قاتار، «اۋىل – ەل بەسىگى» جوباسى اياسىندا 7 مادەنيەت نىسانىنىڭ قۇرىلىسىنا رەسپۋبليكالىق بيۋدجەتتەن 807,9 ملن.تەڭگە قاراجات قاراستىرىلدى.
قۇرىلىس جۇمىستارىن جۇرگىزۋگە مەردىگەردى انىقتاۋ بويىنشا مەملەكەتتىك ساتىپ الۋ جۇمىستارى جۇرگىزىلۋدە.
2023 جىلدىڭ قورىتىندىسى بويىنشا 9 مادەنيەت نىساندارىنىڭ قۇرىلىسىن اياقتاۋ جوسپارلانعان. قالعان 5 جوبا جوسپارعا سايكەس 2024 جىلعا وتپەلى. بۇدان بولەك، وسى جىلى 21 نىسان كۇردەلى جانە اعىمداعى جوندەۋدەن وتەدى.
وبلىس اكىمى 2027 جىلعا دەيىن اۋىلدىق مەكەندەردى تولىعىمەن مادەني نىساندارمەن قامتۋ كەرەكتىگىن باسا اي تىپ، سالا قىزمەتكەرلەرىن كۆوتامەن وقىتۋ، مامان تاپشىلىعىن شەشۋ، ۇيىرمەلەردىڭ قاجەتتىلىگىن تاعى دا ناقتىلاۋ بويىنشا ءتيىستى تۇلعالار تاپسىرمالار بەردى.
"ادىرنا" ۇلتتىق پورتالى
