Jambyl oblysynyń ákimi Nurjan Nurjigitovtiń tapsyrmasyna sáıkes, ótken jyly klýb qurylymdaryn paıdalaný qajettiligin anyqtaý maqsatynda júrgizilgen zerdeleýden keıin 96 shtat birliginiń qajettiligi anyqtalyp, tıisti jumystar júrgizildi. Nátıjesinde 8 aýdanǵa 94 shtat úıirme jetekshisi berilip, 77 maman qabyldandy.
Jańadan 111 úıirme ashylǵan desek, olardyń qatarynda dombyra, vokal, drama, kórkemsóz, bı, taǵy basqalar bar.
Bul týraly aımaq basshysynyń tóraǵalyǵymen ótken keńeste jan-jaqty aıtylyp, mádenıet salasyndaǵy atqarylyp jatqan jumystar men máseleler talqylandy.
Mádenıet, arhıvter jáne qujattama basqarmasynyń basshysy Erlan Júnisbaıdyń aıtýynsha, oblys boıynsha turǵyndarǵa barlyǵy 510 mekeme mádenı mekeme qyzmet kórsetýde.
- Oblys turǵyndaryna mádenı-kópshilik qyzmet kórsetip otyrǵan 197 mádenıet úıi men klýbtarda 841 úıirmege 10 318 adam qatysýda.
Ózińizdiń tapsyrmańyzǵa sáıkes, klýb qurylymdaryn paıdalaný qajettiligin anyqtaý maqsatynda byltyrǵy jyly júrgizilgen zerdeleýden keıin 96 shtat birliginiń qajettiligi anyqtalyp, tıisti jumystar júrgizildi. Moıynqum aýdany tarapynan 4 shtat birligi artyq berildi.
Nátıjesinde 8 aýdanǵa 94 shtat úıirme jetekshisi berilip, 77 maman qabyldandy. Jańadan 111 úıirme ashylyp, 1393 balalar qamtyldy.
Zerdeleýdiń qorytyndysymen qajettiligi joq úıirmeler jabyldy. Jalpy, balalar úıirmesi 120-ǵa, oǵan qatysýshylar sany 2172-ge artty,-dedi Erlan Júnisbaı.
Sondaı-aq, basqarmanyń aqparatynsha kitaphanalar janynan ashylǵan 183 ıfrlandyrylǵan aqparattyq ortalyqtardyń jumysy zerdelenip, erejege saı kelmeıtin 58 ıfrlandyrylǵan aqparattyq ortalyqtyń búgingi kúnge Baızaq aýdanynyń 17, Jambyl aýdanynyń 13, T.Rysqulov aýdanynyń 1 kitaphanasy qalpyna keltirildi.
Qalǵan 27 ıfrlandyrylǵan aqparattyq ortalyqtardy qalpyna keltirý úshin, tehnıkalyq jabdyqtaryna aýdandar tarapynan bıýdjetke ótinim berildi.
2023 jylǵy I toqsanynyń esebi boıynsha aqparattyq ortalyqtarda egov.kz portaly arqyly 20 qyzmet túrinen 19 552 anyqtama berildi.
Basqosýda aǵymdaǵy jyly 14 mádenıet nysanynyń qurylysyn júrgizýge bıýdjetten barlyǵy 1,4 mlrd.teńge qarjy qarastyrylǵan. Atalǵan qarajat esebinen 2022 jyldan ótpeli 7 nysannyń qurylys jumystary júrgizilýde.
Sonymen qatar, «Aýyl – el besigi» jobasy aıasynda 7 mádenıet nysanynyń qurylysyna respýblıkalyq bıýdjetten 807,9 mln.teńge qarajat qarastyryldy.
Qurylys jumystaryn júrgizýge merdigerdi anyqtaý boıynsha memlekettik satyp alý jumystary júrgizilýde.
2023 jyldyń qorytyndysy boıynsha 9 mádenıet nysandarynyń qurylysyn aıaqtaý josparlanǵan. Qalǵan 5 joba josparǵa sáıkes 2024 jylǵa ótpeli. Budan bólek, osy jyly 21 nysan kúrdeli jáne aǵymdaǵy jóndeýden ótedi.
Oblys ákimi 2027 jylǵa deıin aýyldyq mekenderdi tolyǵymen mádenı nysandarmen qamtý kerektigin basa aı typ, sala qyzmetkerlerin kvotamen oqytý, maman tapshylyǵyn sheshý, úıirmelerdiń qajettiligin taǵy da naqtylaý boıynsha tıisti tulǵalar tapsyrmalar berdi.
"Adyrna" ulttyq portaly
