بىشكەك ماڭىندا اتىس باستالدى، ارنايى وپەراتسيا ءجۇرىپ جاتىر، - دەپ حابارلايدى "ادىرنا" پورتالى.
24.kg اقپارات اگەنتتىگىنىڭ حابارلاۋىنشا، شۋ وبلىسىنداعى دميتريەۆكا اۋىلىندا اتىس بولىپ جاتىر. بىشكەككە اپاراتىن جولدىڭ جابىلعانى ناقتىلاندى.
باسىلىم دەرەككوزىنە سۇيەنسەك، الدىن الا مالىمەت بويىنشا، بۇگىن تاڭەرتەڭ ىشكى ىستەر مينيسترلىگىنىڭ ارنايى جاساقتارى قاراقشىلىق شابۋىل جاساعان كۇدىكتىلەردى ۇستاماق بولعان.
كەيىن قىرعىزستاننىڭ ىشكى ىستەر مينيسترلىگى ارنايى جاساق قىزمەتكەرلەرى قارۋلى لاڭكەستى ۇستاۋ وپەراتسياسىن جۇرگىزگەنىن حابارلادى.
"لاڭكەس جويىلدى. وقيعا ورنىندا ىشكى ىستەر مينيسترلىگى مەن ۇلتتىق قاۋىپسىزدىك مەملەكەتتىك كوميتەتىنىڭ باسشىلارى ءجۇر. قازىر ءىىم-ءنىڭ جەدەل-تەرگەۋ توبى جۇمىس ىستەپ جاتىر. تولىق اقپارات ءسال كەيىنىرەك بەرىلەدى. »، - دەدى مينيسترلىك.
Sputnik قىرعىزستاننىڭ حابارلاۋىنشا، دميتريەۆكا اۋىلى بىشكەكتەن 30 شاقىرىم جەردە ورنالاسقان. الدىن الا مالىمەت بويىنشا، قاۋىپسىزدىك كۇشتەرى وندا قارۋلى توپتى ۇستاۋ ءۇشىن ارنايى وپەراتسيا جۇرگىزىپ جاتىر. قىرعىزستان دەنساۋلىق ساقتاۋ مينيسترلىگىنىڭ مالىمەتىنشە، ەكى قاۋىپسىزدىك قىزمەتكەرى جارالانعان.
پوسموترەت ەتۋ پۋبليكاتسيۋ ۆ Instagram
