14 مامىر كۇنى جەتىسۋ وبلىستىق پوليتسيا دەپارتامەنتى وقىس وقيعامەن "قارسىلاستى". تالدىقورعان قالاسى پوليتسيا باسقارماسىنا 46 جاستاعى ايەل شاعىممەن كەلىپ، ۇلىن بەلگىسىز ەرەسەك ادامنىڭ ۇرىپ-cوققانىن حابارلاعان، دەپ جازادى "ادىرنا" ۇلتتىق پورتالى.
وقىس وقيعا جايلى جەتىسۋ وبلىستىق پوليتسيا دەپارتامەنتى ءباسپاسوز قىزمەتى مالىمدەدى. وقۋشىنى سوققىعا جىققان بالپىق بي اۋىلىنىڭ 23 جاستاعى تۇرعىنى بولىپ شىقتى. جاس جىگىتتىڭ قاتتى ماس بولعانى انىقتالدى. ماس كۇيىنەن ايىقتىرۋ ءۇشىن جەرگىلىكتى مەديتسينالىق مەكەمەگە جەتكىزىلدى.
«اتالعان فاكتى بويىنشا قر قىلمىستىق كودەكسىنىڭ 293-بابىندا (بۇزاقىلىق) كوزدەلگەن سوتقا دەيىنگى تەرگەۋ امالدارى باستالدى»، - دەلىنگەن ءباسپاسوز حاتشىلىعى ۇسىنعان حاتتا.
بولعان جاعدايعا بايلانىستى جەتىسۋ وبلىستىق پوليتسيا دەپارتامەنتى تەرگەۋ امالدارىنا كىرىستى.
