قر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى مالىك ولجابەكوۆ "بايقوڭىر" عارىش ايلاعىن جالعا بەرۋ ەلىمىزگە قانشالىقتى ءتيىمدى ەكەنىن ايتتى، دەپ حابارلايدى “ادىرنا” ۇلتتىق پورتالى.
سەنات وتىرىسىنىڭ اياسىندا جۋرناليستەر تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى مالىك ولجابەكوۆتەن “قازاقستان بايقوڭىردى جالداۋ شارتىن نەعۇرلىم ءتيىمدى شارتتارمەن قايتا قاراۋعا نيەتتى مە” دەپ سۇرادى. ويتكەنى الدىڭعى شارت 50 جىل بۇرىن جاسالعان بولاتىن.
"بايقوڭىر" عارىش ايلاعىندا كەڭەستىك كەزەڭنەن قالعان ۇشىرۋ الاڭدارى بار. ۇشىرۋ كەشەندەرىنىڭ ءوزى ناقتى ۇلگىدەگى زىمىران تاسىعىشتارعا ارنالعان. سوندىقتان وندا ارناۋلى زىمىران تاسىعىشتار پايدالانىلىپ كەلەدى. ولاردى باسقا ماقساتتاردا پايدالانۋدىڭ بالاما باعىتتارى جوق، ياعني تەحنيكالىق تۇرعىدا مۇمكىن ەمەس", - دەدى مالىك ولجاباەۆ سەناتتىڭ جالپى وتىرىسىنان كەيىن تىلشىلەر سۇراعىنا جاۋاپ بەرە وتىرىپ.
وسى ورايدا ول جالعا الۋ شارتى بىرنەشە رەت ۇزارتىلعانىن ەسكە سالدى.
"بۇل باعىتتا ءتيىمدى جوبالار بار. ونىڭ ىشىندە عارىش ايلاعى قىزمەتىنە ماماندارىمىزدى جۇمىلدىرۋ ەسكەرىلگەن. سونىمەن قاتار، زىمىران تاسىعىش ۇشىرىلعاننان كەيىن، ەكولوگيالىق جاعدايعا باقىلاۋ جاساۋعا ەرەكشە ءمان بەرىلىپ وتىر. وسى تۇرعىدا ءبىز ەكىجاقتى ءوزارا ءتيىمدى ىنتىماقتاستىق اياسىنداعى قارىم-قاتىناسىمىزدى تەرەڭدەتىپ جاتىرمىز", - دەدى ۆيتسە-مينيستر.
سونداي-اق، باعا دوللارمەن ەسەپتەلەتىنىن دە ايتا كەتتى.
"عارىش ايلاعىن جالعا بەرۋ قۇنى جىلىنا 115 ميلليون دوللاردى قۇراپ وتىر. ەگەر ينفلياتسيا تۋرالى ايتاتىن بولساق، بۇل تولەم دوللارمەن ەسەپتەلەدى. ال ۇلتتىق ۆاليۋتادا بولسا دا، قازىرگى باعام بويىنشا ەسەپتەلىپ وتىرادى. تەڭگەدەگى باعا 1994 جىلدان بەرى ايتارلىقتاي ءوستى", - دەدى مالىك ولجابەكوۆ.
