قازاقستان حالقىنىڭ 8,7 ميلليونعا جۋىعى – انالار، سۇيىكتى جار، مەيىرىمدى وتاناسى، وتباسى مەن شاڭىراقتى ساقتاۋشى ايەلدەر. نازىك جاندىلاردىڭ ەل بولاشاعىنا قوسقان ۇلەسى وتە زور، ولار ەكونوميكا سالاسىنا بەلسەندى ۇلەس قوسۋدا. ەلىمىزدەگى ايەلدەر كاسىپكەرلىگى قارقىندى دامىپ كەلەدى، حانىمدار باسشىلىعىمەن كاسىپورىندار ىسكە قوسىلىپ، بالاباقشالار اشىلىپ، ءوندىرىس ورىندارىنىڭ جۇمىسى جولعا قويىلۋدا. ال ايەلدەر بيزنەسىن قولداۋ ءۇشىن بانكتەر بىرەگەي باعدارلامالاردى قولعا العان. سونىڭ ىشىندە نەسيەلىك ۇسىنىستاردىڭ تيىمدىلىگىن اتاپ ايتۋعا بولادى.
2016 جىلدىڭ جەلتوقسانى مەن 2017 جىلدىڭ مامىر ايلارىندا ForteBank ەۋروپالىق قايتا قۇرۋ جانە دامۋ بانكىنەن ايەلدەر كاسىپكەرلىگىن دامىتۋعا جالپى كولەمى 10 ميلليون دوللار الدى. بۇل قاراجات 6 اي ىشىندە تولىق يگەرىلدى. ال 2018 جىلى قارجى ۇيىمى كاسىپكەر ايەلدەردى قولداۋ ماقساتىندا ForteBusiness Woman بىرەگەي باعدارلاماسىن ازىرلەپ، ىسكەر حانىمداردىڭ 540 جوباسىنا دەمەۋشىلىك جاسادى. بانكتىڭ شاعىن جانە ورتا بيزنەسكە بەرىلگەن نەسيەلەرىنىڭ ۇشتەن ءبىر بولىگى ايەلدەرگە تيەسىلى.
"قازاقستاننىڭ ءىجو 39,5 پايىزى، شاعىن جانە ورتا بيزنەسىنىڭ 43 پايىزى ايەلدەردىڭ ەنشىسىندە، ال جەكە كاسىپكەرلەردىڭ 52 پايىزىن نازىكجاندىلار قۇرايدى. ءبىز ەل دامۋىنا ايەلدەردىڭ قوسقان ۇلەسى قانشالىقتى زور ەكەنىن جانە ForteBank كاسىپكەرلەردى بەلسەندى قولدايتىنىن جۇرتشىلىقتىڭ تۇسىنگەنىن قالايمىز", – دەپ اتاپ ءوتتى ForteBank باسقارماسىنىڭ توراعاسى گۋرام اندرونيكاشۆيلي.
بيزنەس-لەديلەردى قولداۋ ءۇشىن ForteBank "بيزنەس – ايەلدەردىڭ دە ءىسى" جوباسىن جاساپ، Forte pour Femme — "مىقتى ايەل" حوش ءيىسسۋىن شىعاردى. اقپان ايىنىڭ سوڭعى اپتاسىندا ءبىز بيزنەستەگى ايەلدەر تاپقان اقشاعا ءيىسسۋ شىعارىپ، ForteBank بانكوماتتارى مەن كاسسالارى ارقىلى اينالىمعا جىبەردىك. سونداي-اق، ىسكەر ايەلدەردىڭ بيزنەس كاسسالارىندا قولما-قول اقشاعا ساتۋعا قويىلدى. بۇل باستامانى 105 ساتۋ نۇكتەسى بار 43 كاسىپكەر حانىم قولدادى جانە ولاردىڭ سانى ءوسۋ ۇستىندە.
جارناما ناۋقانىنىڭ ماقساتى – ايەلدەردى ءوز ءىسىن اشۋعا جانە دامىتۋعا سەرپىن بەرۋ، ىنتالاندىرۋ. ول ءۇشىن ForteBank بىرنەشە تانىمال كاسىپكەر ايەلدى مانيفەست-بەينەروليكتىڭ كەيىپكەرى رەتىندە شاقىردى. تۇسىرىلىمدەرگە: "قاعانات" اسحانالار جەلىسىنىڭ نەگىزىن قالاۋشى چينارا بۋگيمباەۆا، TAKITA ماركەتينگتىك اگەنتتىگىنىڭ نەگىزىن قالاۋشى زينايدا پاك، FILO پاندىك ديزاين ستۋدياسىنىڭ نەگىزىن قالاۋشى اناستاسيا لەونوۆا، Mimioriki بالالار كيىمدەرى برەندىنىڭ نەگىزىن قالاۋشى يننا اپەنكو، Saniya Ilyassova سۇلۋلىق سالوندارى جەلىسىنىڭ نەگىزىن قالاۋشى سانيا يلياسوۆا، رentatonica كيىمدەر دۇكەنىنىڭ نەگىزىن قالاۋشى كيرا مايشەۆا، fashion-پروديۋسەر جانە برەندىنىڭ نەگىزىن قالاۋشى دينارا ءساتجان، «اردا» بالالار فۋتبول مەكتەبىنىڭ ورتاق يەگەرى نازىم جانعازينوۆا، «اق الەم» تازالاۋ كومپانياسىنىڭ نەگىزىن سالۋشى اقمارال باسيروۆا، «ارۋجان جانە كو» پروديۋسەرلىك ورتالىعىنىڭ نەگىزىن قالاۋشى ارۋجان ساين، PIPL كونسالتينگتىك بيۋروسىنىڭ نەگىزىن قالاۋشى ماري مۋستافينا، «SK Boxing » بوكس مەكتەپتەرى جەلىسىنىڭ نەگىزىن قالاۋشى ايالا قوناقباەۆا.
