جاۋعان وق پەن جانعان وتتىڭ اراسىندا ...

6645
Adyrna.kz Telegram

تالدىقورعان قالاسىنداعى نازارباەۆ زياتكەرلىك مەكتەبىندە اۋعان سوعىسىنىڭ ارداگەرلەرىمەن كەزدەسۋ ءوتتى.

«اۋعانستاننىڭ ءتىرى جادى» - وسىنداي اتاۋمەن كەڭەس اسكەرلەرىنىڭ شەكتەۋلى كونتينگەنتىنىڭ اۋعانستاننان شىعارىلعانىنا 34 جىل تولۋىنا وراي زياتكەرلىك مەكتەبىنىڭ جاتاقحاناسىندا ءىس-شارا ءوتتى.

كەزدەسۋ قوناقتارى اۋعان سوعىسىنىڭ ارداگەرلەرى – اينەكوۆ مارات سەيتايۇلى، وماروۆ امانگەلدى جۇماحانۇلى، داۋلەتوۆ ميرامباي ايدىنۇلى بولدى.

جاۋىنگەر-ينتەرناتسيوناليستەر اۋعانستانداعى وقيعالار، كەڭەس جاۋىنگەرلەرىنىڭ اسكەري ءومىرى، سوعىس قيىندىقتارى جانە جەرگىلىكتى سوعىس ارداگەرلەرىنىڭ قازىرگى ۋاقىتتا نە ىستەپ جاتقانى تۋرالى اڭگىمەلەدى.

اتالمىش كەشكە وقۋشىلار ەرەكشە دايىندالىپ، ءوز ونەرلەرىن پاش ەتتى.

 بىز اۋعان سوعىسىنىڭ تاريحىن، تىكەلەي كۋاگەرلەردىڭ ەستەلىكتەرى ارقىلى بىلۋگە، ولاردىڭ جات جەردە بولىپ جاتقان وقيعالارعا جانە ودان كەيىنگى ومىرگە كوزقاراسىن بىلۋگە ​​بىرەگەي مۇمكىندىك الدىق، — دەيدى 10-سىنىپ وقۋشىسى اقجول بولات.

وسكەلەڭ ۇرپاققا وتاندى ءسۇيۋدىڭ، پاتريوتتىق بورىشىن وتەۋدىڭ نە ەكەنىن ءوز ۇلگىسىمەن كورسەتە بىلگەن ۇلى وتان سوعىسىنىڭ ارداگەرلەر قاتارى ازايىپ بارادى، ورنىنا اۋعان سوعىس جاۋىنگەرلەرىنىڭ كەلۇىن NIS جاتاقحاناسىنىڭ تاربيەشىلەرى ءوز سوزدەرىندە اتاپ ايتتى.

مۇنداي كەزدەسۋلەر وسكەلەڭ ۇرپاق ءۇشىن وتە ماڭىزدى. ويتكەنى، 18-19 جاس ارالىعىنداعى جاس ۇلدار، اعالار، اكەلەر وسى سوعىستا قازا تاپتى. بۇگىنگى كەزدەسۋ جاستاردىڭ بويىندا قازىرگى قوعام ومىرىندە پاتريوتتىق سەزىم، ءوز ەلىنىڭ وتكەنىنە قۇرمەتپەن قاراۋ ءۇشىن وتان الدىنداعى بورىشىن ادال اتقارۋعا ۇيرەتەدى، – دەيدى تاربيەشىلەر ايگۇل نۇراحمەتوۆا مەن نازىم مولداحمەتوۆا.

پاتريوتتىق كەزدەسۋ قازاقستان اۋە قورعانىسى كۇشتەرىنىڭ تالدىقورعان قالاسىنداعى اۆيابازاسىنا ەكسكۋرسيامەن جالعاستى.

پىكىرلەر