تۇركىستان وبلىسىندا داۋىل سوعىپ، 2 اۋدان جارىقسىز قالدى. بۇل تۋرالى وبلىستىق تجد ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
باسقارمانىڭ مالىمدەۋىنشە، سايرام، ساۋران، بايدىبەك، وتىرار، ورداباسى، تولەبي، تۇلكىباس، سوزاق اۋداندارى مەن تۇركىستان، كەنتاۋ، ارىس قالالارىندا جەلدىڭ ەكپىنى قاتتى. بايدىبەك پەن ساۋران اۋداندارىندا 2 مىڭنان اسا ابونەنت ەلەكتر جەلىسىنە قوسىلماعان.
«وڭىردەگى سۋ نىساندارى مەن قويمالاردا تاۋلىكتىك كەزەكشىلىك جۇرگىزىلىپ، باقىلاۋعا الىندى. داۋىلعا بايلانىستى كەنتاۋ قالاسىنداعى بارلىق ءبىلىم بەرۋ وشاعى قاشىقتان وقىتۋعا كوشىرىلىپ، بالاباقشالار جۇمىسىن ۋاقىتشا توقتاتتى.
بازارلار مەن ساۋدا ورتالىقتارىنىڭ جانە حالىق كوپ شوعىرلاناتىن نىسانداردىڭ جۇمىسىنا شەكتەۋ قويىلدى. اۋدان، قالالاردىڭ كوممۋنالدىق قىزمەتى كۇشەيتىلگەن رەجيمدە جۇمىس ىستەۋگە كوشتى»،—دەدى تجد-نىڭ ءباسپاسوز قىزمەتى.
