Túrkistan oblysynda daýyl soǵyp, 2 aýdan jaryqsyz qaldy. Bul týraly oblystyq TJD baspasóz qyzmeti jazdy, dep habarlaıdy «Adyrna» tilshisi.
Basqarmanyń málimdeýinshe, Saıram, Saýran, Báıdibek, Otyrar, Ordabasy, Tólebı, Túlkibas, Sozaq aýdandary men Túrkistan, Kentaý, Arys qalalarynda jeldiń ekpini qatty. Báıdibek pen Saýran aýdandarynda 2 myńnan asa abonent elektr jelisine qosylmaǵan.
«Óńirdegi sý nysandary men qoımalarda táýliktik kezekshilik júrgizilip, baqylaýǵa alyndy. Daýylǵa baılanysty Kentaý qalasyndaǵy barlyq bilim berý oshaǵy qashyqtan oqytýǵa kóshirilip, balabaqshalar jumysyn ýaqytsha toqtatty.
Bazarlar men saýda ortalyqtarynyń jáne halyq kóp shoǵyrlanatyn nysandardyń jumysyna shekteý qoıyldy. Aýdan, qalalardyń kommýnaldyq qyzmeti kúsheıtilgen rejımde jumys isteýge kóshti»,—dedi TJD-nyń baspasóz qyzmeti.
