حالىقارالىق فۋتبول فەدەراتسياسىنىڭ پرەزيدەنتى دجانني ينفانتينو ەلىمىزگە ساپارى بارىسىندا قازاقستاندا الەم چەمپيوناتى ءوتۋى مۇمكىن ەكەنىن ايتتى، دەپ حابارلايدى “ادىرنا” ۇلتتىق پورتالى.
ول استانادا قىزدار اراسىنداعى ۇلتتىق ليگانىڭ اشىلۋ سالتاناتىندا ەلىمىزگە سپورتتىق ينفراقۇرىلىمعا كوبىرەك اقشا سالىپ، قازىرگى زامان تالابىنا ساي الاڭدار مەن جابىق ستاديوندار سالۋ كەرەكتىگىن اتاپ ءوتتى. سونىمەن بىرگە ينفانتينو ەلىمىزدىڭ الەم چەمپيوناتىن وتكىزۋ مۇمكىندىگىنە قاتىستى دا پىكىرىن ءبىلدىردى.
“ورتالىق ازيا ەلدەرىندە، ونىڭ ىشىندە قازاقستاندا جاستار اراسىنداعى نەمەسە ودان كىشى جاستاعى توپتار اراسىنداعى الەم چەمپيگوناتىن وتكىزۋگە بولادى. ول ءۇشىن، ارينە، كوپ جۇمىس اتقارىلۋى كەرەك. ەگەر قازاقستاندا جاستار نەمەسە جاسوسپىرىمدەر اراسىندا الەمدىك دودا ۇيىمداستىرىلاتىن بولسا، بۇل ماسەلەنى كەڭىرەك تالقىلايمىز”، – دەدى ول.
ايتا كەتەيىك، فيفا پرەزيدەنتى دجانني ينفانتينو ەلىمىزگە قازاقستان فۋتبول فەدەراتسياسىنىڭ پرەزيدەنتى ادىلەت بارمەنقۇلوۆتىڭ ارنايى شاقىرۋىمەن كەلگەن بولاتىن.
