بەس جارىم عاسىر بۇرىن ۇلى دالادا توعىسقان كوپ رۋ مەن تايپا ءبىر حاندىقتا بىرىكتى. قازىر اسسيميلياتسيانىڭ ەكىنشى كەزەڭى باستالۋدا. ورتاق تاريحي تاعدىرىمىز بiرiكتiرگەن بىزدەر، كوپ ەتنوس بولىپ قۇرالىپ، قازاق ۇلتىمەن ءبىر حالىق بولدىق. ال بۇگىن قازاقتىڭ ءتىلى مەن مەنتاليتەتىنىڭ نەگىزىندە ءبىر قازاق ۇلتى بولىپ قالىپتاسۋدامىز. قازاقستاندا تۇراتىن ەتنوستار ءۇشىن مەملەكەتتى قۇرۋشى ۇلتقا ريزاشىلىقپەن قاراۋ، ءتىلىن، ءدىلىن قۇرمەتتەۋ – قوعامدىق كەلىسىمنىڭ ءتۇپ نەگىزى بولماق.
كەزىندە قازاق حالقى قۋعىن-سۇرگىن قۇرباندارى مەن تىلعا كەلگەن بابالارىمىزدى قۇشاق جايا قارسى الدى. سول كەزدە قازاقتىڭ وزىندە دە اشارشىلىق پەن رەپرەسيا كەزەڭى بولعانىن، سوعان قاراماستان اس-سۋىمەن بولىسكەنىن ۇمىتۋعا بولمايدى.
سوندىقتان اتا-بابالارىمىزدىڭ ءومىرىن ساقتاپ قالعان، قيىن-قىستاۋ زاماندا باۋىر بولعان قازاققا شىن نيەتپەن العىس ايتساق، سول بابالارىمىزدىڭ ارۋاقتارى ءبىر اۋناپ، بىزگە دە ريزا بولادى دەپ سەنەمىن.
سول ءۇشىن دە قازاق حالقىنا مىڭ العىس ايتامىن!
جالپى ءاربىرىمىز ءۇشىن العىس ايتۋعا سەبەپ كوپ. ەڭ الدىمەن اكەلەرىمىز بەن انالارىمىزعا، دوس پەن باۋىرعا، ءاربىر تىلەكشى جانعا مىڭ العىس بولسىن!
ماكسيم سپوتكايدىڭ فەيسبۋكتەگى جازباسىنان
