قۇندىزبەك ءابدىراسىلوۆ ۇكىمەت اپپاراتى باسشىسىنىڭ ورىنباسارى بولىپ تاعايىندالدى، - دەپ حابارلايدى "ادىرنا" ءتىلشىسى مينيسترلەر كابينەتىنىڭ ءباسپاسوز قىزمەتىنە سىلتەمە جاساپ.
ول بۇعان دەيىن قر پرەمەر-ءمينيسترى حاتشىلىعىنىڭ مەڭگەرۋشىسى قىزمەتىن اتقارعان.
قۇندىزبەك ءابدىراسىلوۆ 41 جاستا، اۋليە اتا ۋنيۆەرسيتەتىن جانە جامبىل گۋمانيتارلىق-تەحنيكالىق ۋنيۆەرسيتەتىن بىتىرگەن. اقپاراتتىق جۇيە، قارجى جانە قۇقىق ماماندىقتارىن تامامداعان.
ەڭبەك جولىن 2005 جىلى جامبىل وبلىسى بايزاقوۆ اۋدانى بويىنشا سالىق كوميتەتىندە باستاپ، شتاتتان تىس قىزمەتكەردەن سالىقتىق تىركەۋ ءبولىمىنىڭ باس مامانىنا دەيىن كوتەرىلدى.
ءابدىراسىلوۆ «ۇلتتىق اقپاراتتىق تەحنولوگيالار» اق-دا، قازاقستان رەسپۋبليكاسى ستاتيستيكا اگەنتتىگىندە، ۇلتتىق ەكونوميكا مينيسترلىگىندە ءتۇرلى لاۋازىمداردى اتقارعان. ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى ءمينيسترىنىڭ حاتشىلىعىن باسقاردى.
استانا قالاسى ستاتيستيكا دەپارتامەنتىندە باسشىنىڭ ورىنباسارى، باستىعى قىزمەتتەرىن دە اتقارعان. وسى جىلدارى قر قارجى ءمينيسترىنىڭ كەڭەسشىسى، پرەمەر-ءمينيستردىڭ ورىنباسارى، پرەمەر-ءمينيسترى بولدى.
"ادىرنا" ۇلتتىق پورتالى
