2023 جىلعى 28 ساۋىردە قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسى ۇلتتىق عىلىم اكادەمياسى مەن قىتاي عىلىم اكادەمياسىنىڭ شىڭجاڭ بولىمشەسى دەلەگاتسيالارىنىڭ كەزدەسۋى ءوتتى.
كەزدەسۋدى قازاقستان رەسپۋبليكاسى پرەزيدەنتىنىڭ جانىنداعى قازاقستان رەسپۋبليكاسى ۇلتتىق عىلىم اكادەمياسىنىڭ پرەزيدەنتى زاكاريا كۇنسۇلۋ اشتى. ءوز سوزىندە، قىتاي عىلىمىنىڭ حالىقارالىق دەڭگەيدەگى قارقىندى دامۋىنا جانە جەتىستىكتەرىنە توقتالىپ، قىسقا مەرزىمدە عىلىم مەن تەحنولوگيا سالالارىنا ءبولىنتىن قارجىنىڭ جالپى كولەمىن، سونىمەن قاتار، عىلىمي ماقالالار مەن وزىق عىلىمي تەحنولوگيالار جانە يننوۆاتسيالىق ونىمدەردى ءوندىرۋشى رەتىندە جاھاندىق كوشباسشىعا اينالعانىن اتاپ ءوتتى.
قىتاي عىلىم اكادەمياسىنىڭ شىڭجاڭ بولىمشەسىنىڭ ۆيتسە-پرەزيدەنتى چەن شي مىرزا ءوز سوزىندە قازاقستاننىڭ عىلىمي ورتالىقتارى مەن جوعارى وقۋ ورىندارى، ونىڭ ىشىندە س.سەيفۋللين اتىنداعى قازاق اگروتەحنيكالىق زەرتتەۋ ۋنيۆەرسيتەتىمەن ەكولوگيا جانە اگروتەحنولوگيا باعىتتارى بويىنشا عىلىمي ىنتىماقتاستىعىنىڭ ناتيجەلەرىنە توقتالدى. جەتكەن جەتىستىكتەرگە قوسقان ۇلەسى ءۇشىن اۋىلشارۋاشىلىق عىلىمدارىنىڭ دوكتورى، پروفەسسور ا.ق. كۇرىشباەۆتىڭ ەڭبەگىن بىرەگەي ەكەندىگىن ەرەكشە اتاپ ءوتتى.
تاراپتار عىلىمدى دامىتۋ بويىنشا ءوزارا ىنتىماقتاستىق ماسەلەلەرىن تالقىلاپ، ونىڭ ىشىندە قازاقستاندىق ستۋدەنتتەر ءۇشىن قىتاي ۇكىمەتىنىڭ عىلىمي گرانتتارىن جانە عىلىمي قىزمەتكەرلەر ءۇشىن تاعىلىمدامالاردى ۇيىمداستىرۋ ماڭىزدىلىعىن ەسكەردى. كەزدەسۋ قورتىندىسى بويىنشا تاراپتار ناقتى بىرلەسكەن جۇمىستاردى ازىرلەۋ ءۇشىن ارنايى جۇمىس توبىن قۇرۋ تۋرالى ۋاعدالاستىققا كەلدى.
"ادىرنا" ۇلتتىق پورتالى
