دەپۋتات قىرعىزستاننىڭ ءار وبلىسىن دامىعان ەلدەردىڭ باسقارۋىنا بەرۋدى ۇسىندى

2398
Adyrna.kz Telegram

جوگوركۋ كەنەش دەپۋتاتى اقىلبەك جاپاروۆ قىرعىزستاندى دامىعان مەملەكەتتەرگە باسقارۋ ءۇشىن، ءبولىپ بەرۋدى ۇسىندى، — دەپ حابارلايدى centralasian.org.

ونىڭ سوزىنشە، رەسپۋبليكا ۇنەمى دامىعان ەلدەر مەن حالىقارالىق ۇيىمداردان كومەك سۇراپ جۇرەدى.

«ءبىز ودان قايتا ءبىر وبلىستى، مىسالى باتكەن نەمەسە نارىندى جاپونياعا بەرەيىك. ولار ءبىر وبلىستىڭ جولىن، دەنساۋلىق ساقتاۋ ماسەلەسىن، ءبىلىم بەرۋ جۇيەسىن دامىتسىن. وسى وبلىستى ءدال جاپونيا سەكىلدى ەتسىن. امەريكاعا ءبىر وبلىستى بەرەيىك. التى وبلىستى رەسەيدى قوسقاندا التى ءىرى مەملەكەتكە بەرەيىك»، — دەدى قىرعىز دەپۋتاتى.

ول قىرعىز اۋماعىن ۇساق اكىمشىلىك بىرلىككە بولۋگە بولاتىنىن ايتادى. ونىڭ سوزىنشە، قىرعىزستاندا 40 ەلدىڭ ەلشىلىگى جۇمىس ىستەيدى، ولارعا 40 اۋداندى بەرۋگە بولادى.

«قىرعىزستاندىقتارعا تار بولۋدىڭ قاجەتى جوق. ول جەرلەرگە جاپونيا، گەرمانيا نەمەسە رەسەيدىڭ تۋلارىن ءىلىپ قويۋعا بولادى. وسى جوبانى ۇكىمەتكە ۇسىنعىم كەلەدى. ەگەر ولار كەلىسپەسە، زاڭ جوباسىن ازىرلەيمىن»، — دەدى اقىلبەك جاپاروۆ.

قىرعىزستاندا 7 وبلىس جانە 2 رەسپۋبليكالىق دەڭگەيدەگى قالا بار

پىكىرلەر