مەملەكەت باسشىسى نۇرسۇلتان نازارباەۆ "نۇر وتان" پارتياسىنىڭ مۇشەلەرىنە الداعى پرەزيدەنت سايلاۋى جايلى ەسكە سالدى، - دەپ حابارلايدى Tengrinews.kz ءتىلشىسى.
ء"بىز قول قۋسىرىپ قاراپ وتىرماي، جۇمىس ىستەۋىمىز كەرەك. ءار وبلىستا، ءار قالادا، ءار اۋداندا فيليالدار بار. سىزدەر پارتيا مۇشەسى ەكەندەرىڭىزدى ايتىپ، قول قۋسىرىپ وتىراتىن بولساڭىزدار، ءبىز جاقسى پارتيا بولا المايمىز. الدا پارلامەنتتىك سايلاۋ، پرەزيدەنت سايلاۋى كەلە جاتىر. وسىدان ءوتۋ ءۇشىن ءبىز حالىقتىڭ سەنىمىن اقتاۋىمىز قاجەت", - دەدى نازارباەۆ پارتيالاستارىنا "نۇر وتان" پارتياسىنىڭ XVIII سەزىندە.
"مىندەتتەر قويىلدى، از قامتىلعان جانە كوپبالالى وتباسىلارعا ناقتى قولداۋ كورسەتۋ ساندارى بەلگىلەندى. جاردەماقى، كوممۋنالدىق-شارۋاشىلىق تۇرعىن ءۇي اياسىندا. مەنىڭ ويىمشا، وسىدان پارتيانىڭ بەدەلى ارتادى", - دەيدى پرەزيدەنت.
سونداي-اق، نازارباەۆ "نۇر وتاننىڭ" پارلامەنتتى قالىپتاستىراتىن پارتيا ەكەنىن اتاپ ءوتتى. ال پارلامەنت ۇكىمەتتى قۇرادى. "دەمەك پارلامەنتپەن جانە ۇكىمەتپەن بىرگە ءبىز قابىلدايتىن بارلىق شەشىم ءۇشىن جاۋاپ بەرەمىز. حالىقتىڭ ارمان ماقساتى مەن ىقىلاسىن سەزدىم، سول سەبەپتى ۇكىمەتتى اۋىستىرۋعا تۋرا كەلدى. جاڭا ادامدار كەلدى. تاجىريبەلى ادامدار كەلدى دەپ ويلايمىن، ولار ەكونوميكانى العا جەتەلەيدى جانە اتقارۋشى بيلىك ناقتى ءارى جاۋاپتى جۇمىس ىستەيتىنىنە ۇمىتتەنەمىن", - دەدى پرەزيدەنت.
