سىرتى ىستەر مينيسترلىگىنىڭ رەسمي وكىلى ايبەك سمادياروۆ مينيسترلىكتە وتكەن بريفينگتە قىتايدىڭ فرانتسياداعى ەلشىسى لۋ شاەنىڭ داۋلى ۇستانىمىنا قاتىستى پىكىر ءبىلدىرىپ، قىتاي سىرتقى ىستەر مينيسترلىگىنىڭ بەرگەن تۇسىنىكتەمەسىن قولدايتىنىن جەتكىزدى، دەپ حابارلايدى "ادىرنا" ۇلتتىق پورتالى.
سىرتقى ىستەر مينيسترلىگىنىڭ رەسمي وكىلى ايبەك سمادياروۆ بريفينگتە فرانتسياداعى قىتاي ەلشىسىنىڭ ۇستانىمىن ەلەمەيتىنىن حابارلادى. ونىڭ ايتۋىنشا، ەلشىنىڭ ۇستانىمى جالپى قىتاي ساياساتىن اڭعارتپايدى. الايدا بەيجىڭ بيلىگى ەلشى لۋ شاەنىڭ پىكىرىن قولداپ-قولدامايتىن اشىپ ايتپادى.
"مەن قازاقستان مەن قىتاي اراسىنداعى بايىپتى قارىم-قاتىناس تۋرالى ايتاتىن بارلىق تارماقتى ءتىزىپ شىقتىم. قىتاي سىرتقى ىستەر مينيسترلىگى ءوز ەلشىسىنىڭ ارەكەتىن ءتۇسىندىرىپ، ءوز ۇستانىمىنا تولىق رەاكتسياسىن ءبىلدىردى", - دەدى سمادياروۆ.
سونىمەن قاتار، فرانتسياداعى قىتاي ەلشىسىنىڭ ءوز سۇحباتىن ۇلكەن داۋ تۋعاننان كەيىن ءوشىرىپ تاستاعانى انىقتالدى. قازاقستاننىڭ سىرتقى ىستەر مينيسترلىگى مۇنداي "ساياسي سەنساتسيانى" ەلەۋسىز قالدىرۋدى ءجون دەپ تاپقانىن جەتكىزدى.
"بۇل ەلشى فرانتسيادا جۇمىس ىستەيدى، ول جەرگە قالاي نوتا جىبەرەمىز؟ ول پاريجدە جۇمىس ىستەيدى. سوزدەردى اۋدارىپ، مۇلدە باسقا تاقىرىپقا اكەلمەيىك", - دەدى رەسمي وكىلى ايبەك سمادياروۆ.
ايبەك سمادياروۆ ءوز سوزىندە قازاقستاننىڭ 1992 جىلى 2 ناۋرىزدا قازاقستان بۇۇ-نا مۇشە بولعانىن ەسكە سالدى. قازاقستان مەن قىتاي اراسىنداعى ديپلوماتيالىق بايلانىستاردىڭ تاريحىنا توقتالىپ،2022 جىلعى 23 جەلتوقساندا قابىلدانعان قۇجاتقا سايكەس قوس ەل ءبىر-ءبىرىنىڭ ەگەمەندىگى مەن اۋماقتىق تۇتاستىعىن قۇرمەتتەيتىندىگىن جەتكىزدى.
"ادىرنا" ۇلتتىق پورتالى
