بۇگىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى ۇلتتىق قاۋىپسىزدىك كوميتەتىنىڭ بۇرىنعى توراعاسى كارىم ماسىموۆكە جانە ونىڭ ورىنباسارلارى ا.سادىقۇلوۆقا، د.ەرعوجينگە، م.وسيپوۆكە قاتىستى قىلمىستىق ءىس بويىنشا ۇكىمىن جاريا ەتتى، دەپ حابارلايدى "ادىرنا" ۇلتتىق پورتالى.
ءىس سوتتا «اسا قۇپيا» قارالدى.
ك.ءماسىموۆ پەن ا.سادىقۇلوۆقا مەملەكەتكە وپاسىزدىق جاساۋ، بيلىكتى كۇشپەن باسىپ الۋ، بيلىك پەن لاۋازىمدىق وكىلەتتىگىن اسىرا پايدالانۋ، د.ەرعوجينگە بيلىكتى كۇشپەن باسىپ الۋ، بيلىك پەن لاۋازىمدىق وكىلەتتىگىن اسىرا پايدالانۋ، م.وسيپوۆكە بيلىك پەن لاۋازىمدىق وكىلەتتىگىن اسىرا پايدالانۋ ايىبى تاعىلعان.
سوت شەشىمى
كارىم ءماسىموۆ قك-ءنىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى، جازانى ءىشىنارا قوسۋ ارقىلى 18 جىلعا باس بوستاندىعىنان ايىرۋ، مۇلكى تاركىلەنىپ، ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرۋ جازاسى تاعايىندالدى.
ا.سادىقۇلوۆ قك – ءنىڭ 175-بابىنىڭ 1-بولىگى، 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى، جازانى ءىشىنارا قوسۋ ارقىلى 16 جىلعا باس بوستاندىعىنان ايىرۋ جازاسى تاعايىندالدى، ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى.
د.ەرعوجين قك – ءنىڭ 179-بابىنىڭ 3-بولىگى، 362-بابىنىڭ 4-بولىگى 3-تارماعى بويىنشا كىنالى دەپ تانىلدى، جازانى ءىشىنارا قوسۋ ارقىلى 15 جىلعا باس بوستاندىعىنان ايىرۋ جازاسى تاعايىندالدى، ءومىر بويى مەملەكەتتىك قىزمەتتە قىزمەت ەتۋ قۇقىعىنان ايىرىلدى. م.وسيپوۆ قىلمىستىق كودەكستىڭ 362 – بابىنىڭ 3-بولىگى بويىنشا كىنالى دەپ تانىلدى جانە وعان مەملەكەتتىك قىزمەتتە قىزمەت اتقارۋ قۇقىعىنان ايىرا وتىرىپ، 3 جىلعا باس بوستاندىعىنان ايىرۋ جازاسى تاعايىندالدى.
ك.ءماسىموۆ، ا.سادىقۇلوۆ، د.ەرعوجين جانە م.وسيپوۆ گەنەرال اتاقتارىنان جانە مەملەكەتتىك ناگرادالاردان ايىرىلدى.
مەملەكەت كىرىسىنە 10 ملرد تەڭگەدەن استام قارجى مەن 24 ملن اقش دوللارى ءوندىرىلدى. ۇكىم زاڭدى كۇشىنە ەنگەن جوق.
