Kärım Mäsımov 18 jylǧa bas bostandyǧynan aiyryldy

Bügın Astana qalasynyŋ qylmystyq ıster jönındegı mamandandyrylǧan audanaralyq soty Ūlttyq qauıpsızdık komitetınıŋ būrynǧy töraǧasy Kärım Mäsımovke jäne onyŋ orynbasarlary A.Sadyqūlovqa, D.Erǧojinge, M.Osipovke qatysty qylmystyq ıs boiynşa ükımın jariia ettı, dep habarlaidy "Adyrna" ūlttyq portaly. Is sotta «asa qūpiia» qaraldy. K.Mäsımov pen A.Sadyqūlovqa memleketke opasyzdyq jasau, bilıktı küşpen basyp alu, bilık pen lauazymdyq ökılettıgın asyra paidalanu, D.Erǧojinge bilıktı küşpen basyp alu, bilık pen lauazymdyq ökılettıgın asyra paidalanu, M.Osipovke bilık pen lauazymdyq ökılettıgın asyra paidalanu aiyby taǧylǧan. Sot şeşımı Kärım Mäsımov QK-nıŋ 175-babynyŋ 1-bölıgı, 179-babynyŋ 3-bölıgı, 362-babynyŋ 4-bölıgı 3-tarmaǧy boiynşa kınälı dep tanyldy, jazany ışınara qosu arqyly 18 jylǧa bas bostandyǧynan aiyru, mülkı tärkılenıp, ömır boiy memlekettık qyzmette qyzmet atqaru qūqyǧynan aiyru jazasy taǧaiyndaldy. A.Sadyqūlov QK – nıŋ 175-babynyŋ 1-bölıgı, 179-babynyŋ 3-bölıgı, 362-babynyŋ 4-bölıgı 3-tarmaǧy boiynşa kınälı dep tanyldy, jazany ışınara qosu arqyly 16 jylǧa bas bostandyǧynan aiyru jazasy taǧaiyndaldy, ömır boiy memlekettık qyzmette qyzmet etu qūqyǧynan aiyryldy. D.Erǧojin QK – nıŋ 179-babynyŋ 3-bölıgı, 362-babynyŋ 4-bölıgı 3-tarmaǧy boiynşa kınälı dep tanyldy, jazany ışınara qosu arqyly 15 jylǧa bas bostandyǧynan aiyru jazasy taǧaiyndaldy, ömır boiy memlekettık qyzmette qyzmet etu qūqyǧynan aiyryldy. M.Osipov Qylmystyq kodekstıŋ 362 – babynyŋ 3-bölıgı boiynşa kınälı dep tanyldy jäne oǧan memlekettık qyzmette qyzmet atqaru qūqyǧynan aiyra otyryp, 3 jylǧa bas bostandyǧynan aiyru jazasy taǧaiyndaldy. K.Mäsımov, A.Sadyqūlov, D.Erǧojin jäne M.Osipov general ataqtarynan jäne memlekettık nagradalardan aiyryldy. Memleket kırısıne 10 mlrd teŋgeden astam qarjy men 24 mln AQŞ dollary öndırıldı. Ükım zaŋdy küşıne engen joq.