مەملەكەت باسشىسى قاسىم-جومارت توقاەۆ قازاقستاندىقتاردى ورازا ايت مەرەكەسىمەن قۇتتىقتادى، دەپ حابارلايدى «ادىرنا» ءتىلشىسى اقورداعا سىلتەمە جاساپ.
«بارشاڭىزدى ورازا ايت مەرەكەسىمەن شىن جۇرەكتەن قۇتتىقتايمىن!
بۇل – كۇللى مۇسىلمان قاۋىمىنىڭ ۇلىق مەيرامى. ورازا ۇستاعان جاماعات وسى مەرەكەنى اسىعا كۇتەدى. الىس-جاقىن اعايىن ءبىر-ءبىرىنىڭ ۇيىنە بارىپ، جىلى لەبىزىن بىلدىرەدى. حالقىمىزدىڭ ىنتىماعى نىعايىپ، بىرلىگى بەكي تۇسەدى»،—دەدى ول.
پرەزيدەنت يسلامنىڭ يماندىلىقتى، بەيبىتشىلىكتى، مەيىرىمدىلىكتى دارىپتەيتىن اسىل ءدىن ەكەنىن اتاپ ءوتتى.
«وسى يگى قۇندىلىقتار ەلدىڭ اماندىعى مەن بەرەكەسىن تىلەيتىن ۇلتىمىزدىڭ سالت-داستۇرىمەن بىتە قايناسىپ جاتىر. سوندىقتان بۇل – ءبىر شاڭىراقتا تاتۋ-ءتاتتى ءومىر ءسۇرىپ جاتقان بارشا جۇرتىمىز ءۇشىن قادىرلى ۇعىمدار.
ورازا ايت – ەلدىگىمىزدى ەسەلەيتىن مەرەكە. ءبىز مەملەكەتىمىزدىڭ جارقىن بولاشاعى ءۇشىن قوعامداعى بىرلىك پەن كەلىسىمدى ودان ءارى نىعايتا بەرەمىز.
ەلىمىزدىڭ ءار شاڭىراعى باقىت پەن قۋانىشقا بولەنسىن! حالقىمىزدىڭ ىرىسى مەن ىنتىماعى ارتا بەرسىن! ايت قابىل بولسىن، اعايىن!»— دەپ تۇيىندەدى قاسىم-جومارت كەمەلۇلى.
