Memleket basshysy Qasym-Jomart Toqaev qazaqstandyqtardy Oraza aıt merekesimen quttyqtady, dep habarlaıdy «Adyrna» tilshisi Aqordaǵa silteme jasap.
«Barshańyzdy Oraza aıt merekesimen shyn júrekten quttyqtaımyn!
Bul – kúlli musylman qaýymynyń ulyq meıramy. Oraza ustaǵan jamaǵat osy merekeni asyǵa kútedi. Alys-jaqyn aǵaıyn bir-biriniń úıine baryp, jyly lebizin bildiredi. Halqymyzdyń yntymaǵy nyǵaıyp, birligi bekı túsedi»,—dedi ol.
Prezıdent ıslamnyń ımandylyqty, beıbitshilikti, meıirimdilikti dáripteıtin asyl din ekenin atap ótti.
«Osy ıgi qundylyqtar eldiń amandyǵy men berekesin tileıtin ultymyzdyń salt-dástúrimen bite qaınasyp jatyr. Sondyqtan bul – bir shańyraqta tatý-tátti ómir súrip jatqan barsha jurtymyz úshin qadirli uǵymdar.
Oraza aıt – eldigimizdi eseleıtin mereke. Biz memleketimizdiń jarqyn bolashaǵy úshin qoǵamdaǵy birlik pen kelisimdi odan ári nyǵaıta beremiz.
Elimizdiń ár shańyraǵy baqyt pen qýanyshqa bólensin! Halqymyzdyń yrysy men yntymaǵy arta bersin! Aıt qabyl bolsyn, aǵaıyn!»— dep túıindedi Qasym-Jomart Kemeluly.
