كريشتيانو رونالدۋ ساۋد ارابياسىنان قۋىلۋى مۇمكىن

7316
Adyrna.kz Telegram
فوتو: twitter.com/AlNassrFC
فوتو: twitter.com/AlNassrFC

ءال-ناسر” كومانداسىنىڭ شابۋىلشىسى كريشتيانو رونالدۋ ساۋد ارابياسىنان قۋىلۋى مۇمكىن، دەپ حابارلايدى “ادىرنا” ۇلتتىق پورتالى.

مۇنداي شەشىم فۋتبولشىنىڭ بەيادەپ قىلىعىنا بايلانىستى تۋىنداپ وتىر.

Vesti.kz سايتىنىڭ جازۋىنشا، كريشتيانو رونالدۋ ء“ال-حيليال” كومانداسىمەن ويىننان كەيىن جانكۇيەرلەرگە ەرسى ارەكەت كورسەتكەن. ياعني ويىندا ءوزىن دۇرىس كورسەتە الماعان فۋتبولشىعا ستاديونداعى جانكۇيەرلەر نارازىلىق تانىقتان. 

ويىن سوڭىندا كريشتيانونىڭ جۇيكەسىن جۇقارتۋ ءۇشىن فۋتبول جانكۇيەرلەرى مەسسيدىڭ ەسىمىن ايعايلاپ ايتادى. بۇعان قارسى جاۋاپ رەتىندە رونالدۋ ەرسى ارەكەتكە بارعان. 

زاڭگەرلەر فۋتبولشىنىڭ ءدال وسى ارەكەتى ءۇشىن سوتقا جۇگىنۋدى كوزدەپ وتىر. ءتىپتى شابۋىلشىنى قاماۋعا الىپ، ەلدەن قۋ كەرەك دەگەن ۇسىنىستا. 

"بۇل قوعامدىق ابىرويسىزدىق قىلمىسى بولىپ سانالادى. ءارى ءدال وسىنداي ارەكەتتى  ەگەر شەتەلدىك جاساعان بولسا، ونى قاماۋعا الۋعا جانە دەپورتاتسيالاۋعا تولىق نەگىز بار", - دەيدى زاڭگەر.

ايتا كەتەيىك، كريشتيانو رونالدۋ ء“ال-ناسر” فۋتبول كومانداسىنا وتكەن جىلدىڭ جەلتوقسان ايىندا اۋىسىپ باردى. سودان بەرى 11 ويىن وتكىزىپ 11 گول سوققان. 2 ناتيجەلى پاس شىعارىپتى.

پىكىرلەر