“Ál-Nasr” komandasynyń shabýylshysy Krıshtıano Ronaldý Saýd Arabııasynan qýylýy múmkin, dep habarlaıdy “Adyrna” ulttyq portaly.
Mundaı sheshim fýtbolshynyń beıádep qylyǵyna baılanysty týyndap otyr.
Vesti.kz saıtynyń jazýynsha, Krıshtıano Ronaldý “Ál-Hılıal” komandasymen oıynnan keıin jankúıerlerge ersi áreket kórsetken. Iaǵnı oıynda ózin durys kórsete almaǵan fýtbolshyǵa stadıondaǵy jankúıerler narazylyq tanyqtan.
Oıyn sońynda Krıshtıanonyń júıkesin juqartý úshin fýtbol jankúıerleri Messıdiń esimin aıǵaılap aıtady. Buǵan qarsy jaýap retinde Ronaldý ersi áreketke barǵan.
Zańgerler fýtbolshynyń dál osy áreketi úshin sotqa júginýdi kózdep otyr. Tipti shabýylshyny qamaýǵa alyp, elden qýý kerek degen usynysta.
"Bul qoǵamdyq abyroısyzdyq qylmysy bolyp sanalady. Ári dál osyndaı áreketti eger sheteldik jasaǵan bolsa, ony qamaýǵa alýǵa jáne deportaııalaýǵa tolyq negiz bar", - deıdi zańger.
Aıta keteıik, Krıshtıano Ronaldý “Ál-Nasr” fýtbol komandasyna ótken jyldyń jeltoqsan aıynda aýysyp bardy. Sodan beri 11 oıyn ótkizip 11 gol soqqan. 2 nátıjeli pas shyǵarypty.
