جوبانىڭ نەگىزگى ماقساتى – جەكە تۇلعالار اراسىندا پروبلەمالىق بەرەشەگى بار ادامداردىڭ قارجىلىق ساۋاتىن ارتتىرۋ. وقۋ بيىل 2 مامىردا باستالىپ جىل سوڭىنا دەيىن جالعاسادى.
قارجىلىق ساۋاتتىلىق دەڭگەيىن ارتتىرۋ بويىنشا تەگىن كۋرس «AMANAT» پارتياسىنىڭ اۋداندىق فيليالدارىندا تومەندەگى تالاپتار بويىنشا وتەدى:
- ءبىر توپتىڭ وقۋ مەرزىمى – 5 كۇن
- ءبىر توپتاعى قاتىسۋشىلاردىڭ سانى – 30-50 ادام
- ءبىر ايدا وقيتىن توپتاردىڭ سانى – 3
وقۋ باعدارلاماسى كەلەسى ساناتتاعى ازاماتتارعا ارنالعان. ولار نەسيە بويىنشا قارىزدارى بار جانە بورىشكەرلەر تىزىمىندەگى ادامدار، ءدال قازىرگى ۋاقىتتا نەسيەسى بار، بىراق مەرزىمى ءوتىپ كەتكەن بەرەشەكتەرى جوق ادامدار جانە نەسيە الىپ، مەملەكەتتىك باعدارلامالار بويىنشا قارجىلاندىرىلاتىن ءىسىن جاڭا باستاعان كاسىپكەرلەر.
جوبا اياسىندا اۋىلدىق ەلدى مەكەندەردىڭ 80 مىڭعا جۋىق تۇرعىنىن قامتۋ جوسپارلانۋدا.
جوباعا قاتىسۋشىلار ءوز قارجىسىن ءتيىمدى باسقارۋدى جانە شىعىندارىن وڭتايلاندىرۋدى ۇيرەنەدى. ولار قارجىلىق ماسەلەلەردىڭ قالاي تۋىندايتىنىن، نەسيەلىك قارىزدار سانىن ازايتۋدىڭ جولدارىن، الاياقتىق ارەكەتتەردى قالاي انىقتاۋعا بولاتىنىن ۇيرەنەدى. ال ءىسىن جاڭادان باستاعان كاسىپكەرلەر كومپانيا بيۋدجەتىن قالىپتاستىرۋ ءتارتىبى، سالىق ەسەپ-قيسابىن ۇسىنۋدى جانە مەملەكەتتىك قولداۋ باعدارلامالارى بويىنشا قارجىلاندىرۋ شارتتارى تۋرالى قۇندى اقپارات الادى.
«قارىزسىز قوعام» جوباسىنىڭ العاشقى كەزەڭىندە ەلىمىزدىڭ 8 ءوڭىرى قامتىلادى. ولار: اقتوبە، الماتى، تۇركىستان، سولتۇستىك قازاقستان، باتىس قازاقستان، جامبىل، اتىراۋ جانە ماڭعىستاۋ وبلىستارى.
جوباعا قاتىسۋ شارتتارى تۋرالى تولىق اقپارات جاقىن ارادا جاريالانادى.
