پرەزيدەنت قاسىم-جومارت توقاەۆ Australian Open, ينديان-ۋەللس جانە مايامي تۋرنيرلەرىندە كەرەمەت ونەر كورسەتكەن ەلەنا رىباكينانى قۇتتىقتاپ، شەبەرلىگى مەن جەڭىسكە دەگەن ەرىك-جىگەرى ءۇشىن ريزاشىلىعىن ءبىلدىردى. بۇل تۋرالى اقوردا جازدى، دەپ حابارلايدى «ادىرنا» ءتىلشىسى.
مەملەكەت باسشىسى قازاقستاندىق تەننيسشىلەردىڭ جەتىستىگى وسكەلەڭ ۇرپاق اراسىندا وسى سپورت ءتۇرىنىڭ تانىمالدىلىعىن ارتتىرۋعا سەپتىگىن تيگىزەتىنىن اتاپ ءوتتى.
ەلەنا رىباكينا جەڭىس تۇعىرىنان كورىنگەن ساتتەرىندە قولداۋ بىلدىرگەنى جانە جۇرەكجاردى قۇتتىقتاۋلارىن جولداعانى ءۇشىن پرەزيدەنتكە العىس ايتتى. داڭقتى تەننيسشى الداعى ۋاقىتتا دا بەدەلدى حالىقارالىق جارىستاردا ءساتتى ونەر كورسەتۋگە بار كۇش-جىگەرىن جۇمسايتىنىن جەتكىزدى.
قاسىم-جومارت توقاەۆ قازىرگى تاڭدا ەلىمىزدە 30 مىڭنان اسا ادام تەننيسپەن شۇعىلداناتىنىنا توقتالدى. ونىڭ 10 مىڭنان استامى – 10 جاسقا دەيىنگى بالالار. وسى سپورت تۇرىنە بۇقارالىق سيپات بەرۋ ماقساتىندا ەلىمىزدىڭ 17 ايماعىندا تەننيس كورتتارى سالىندى. سونداي-اق Baby tennis, «10 جاسقا دەيىنگى تەننيس» سەكىلدى جوبالار تابىستى جۇزەگە اسىرىلىپ جاتىر.
