12 ءساۋىر ساعات 08:40-تە 102 پۋلتىنە شولوحوۆ كوشەسىندەگى قاراۋسىز قالعان عيماراتتىڭ جانىنان ايەلدىڭ ءمايىتى تابىلعانى تۋرالى حابارلاما تۇسكەن.
اقپارات راستالدى، دەپ حابارلايدى "ادىرنا" ۇلتتىق پورتالى.
تەرگەۋ-جەدەل توبى وقيعا ورنىن تەكسەردى، ايەلدىڭ باسى كەسىلگەن. ونىڭ كىم ەكەنى انىقتالدى: 1976 جىلى تۋعان، تۇراقتى تۇرعىلىقتى جەرى جوق، بۇرىن ەسىرتكى قىلمىسى ءۇشىن بىرنەشە رەت سوتتالعان.
ءبىراز ۋاقىتتان كەيىن سول ماڭداعى ساۋدا ورىندارىنىڭ بىرىنەن ايەلدىڭ باسى تابىلدى.
قازىرگى ۋاقىتتا اتالعان دەرەك بويىنشا تۇركسىب اۋداندىق پوليتسيا باسقارماسىمەن قر قك-ءنىڭ 99-بابى بويىنشا قىلمىستىق ءىس تىركەلدى. قىلمىستى اشۋعا جانە ونىڭ ءمان-جايىن انىقتاۋعا باعىتتالعان جەدەل ءىس-شارالار كەشەنى جۇرگىزىلۋدە.
