الەۋمەتتىك جەلىدە ديزەل تاپشىلىعىنا نارازىلاردىڭ جولدى جاپقان ۆيدەوسى تارادى. «قازاۆتوجول» بەينەجازباعا قاتىستى تۇسىنىكتەمە بەردى، دەپ حابارلايدى «ادىرنا» ءتىلشىسى.
«رەسپۋبليكالىق ماڭىزى بار الماتى-كوكپەك-كوكتال-قورعاس تاس جولىنىڭ 33-شاقىرىمىندا ديزەل وتىنىنىڭ قىمباتتاۋىن تالقىلاۋعا 20-25 ادام مەن جۇك كولىگى جۇرگىزۋشىلەرىنەن 10-عا جۋىق تەحنيكا جينالدى. قازىرگى تاڭدا قوزعالىس تولىعىمەن قالىپتى رەجيمدە جۇرگىزىلىپ جاتىر. ەشقانداي شەكتەۋلەر جوق»،—دەدى كومپانيانىڭ ءباسپاسوز قىزمەتى.
ەسكە سالا كەتەيىك، بۇرىنعى ەنەرگەتيكا ءمينيسترى بولات اقشولاقوۆ 12 ساۋىردەن باستاپ ەلىمىزدە بەنزين (اي-92 جانە اي-93) مەن ديزەل وتىنىنىڭ باعاسى كوتەرىلەتىنىن ايتقان ەدى. ورتاشا كورسەتكىش بويىنشا اي-92 جانارمايىنىڭ باعاسى ليترىنە 6-7 تەڭگەگە، ال ديزەل وتىنى 12-14 تەڭگەگە وسەدى.
الماتىدا ديزەل تاپشىلىعى 3 ساۋىردەن باستاپ سەزىلىپ جاتىر. كەيبىر جانار-جاعارماي بەكەتى ونى تەك تالونمەن بەرۋدە.
