Áleýmettik jelide dızel tapshylyǵyna narazylardyń joldy japqan vıdeosy tarady. «Qazavtojol» beınejazbaǵa qatysty túsinikteme berdi, dep habarlaıdy «Adyrna» tilshisi.
«Respýblıkalyq mańyzy bar Almaty-Kókpek-Kóktal-Qorǵas tas jolynyń 33-shaqyrymynda dızel otynynyń qymbattaýyn talqylaýǵa 20-25 adam men júk kóligi júrgizýshilerinen 10-ǵa jýyq tehnıka jınaldy. Qazirgi tańda qozǵalys tolyǵymen qalypty rejımde júrgizilip jatyr. Eshqandaı shekteýler joq»,—dedi kompanııanyń baspasóz qyzmeti.
Eske sala keteıik, burynǵy Energetıka mınıstri Bolat Aqsholaqov 12 sáýirden bastap elimizde benzın (AI-92 jáne AI-93) men dızel otynynyń baǵasy kóteriletinin aıtqan edi. Ortasha kórsetkish boıynsha AI-92 janarmaıynyń baǵasy lıtrine 6-7 teńgege, al dızel otyny 12-14 teńgege ósedi.
Almatyda dızel tapshylyǵy 3 sáýirden bastap sezilip jatyr. Keıbir janar-jaǵarmaı beketi ony tek talonmen berýde.
