قازاقستاندىق ارالاس جەكپە-جەك شەبەرى ازات ماقسۇم UFC-مەن كەلىسىمشارتقا وتىردى. بۇل تۋرالى OCTAGON ليگاسى ايتتى، دەپ حابارلايدى «ادىرنا» ءتىلشىسى.
«تاريحتا العاش رەت قازاقستاندا قۇرىلعان ليگاعا الەمنىڭ ۇزدىك ءپروموۋشنى ەسىك اشتى. ءبىز ماقسۇمنىڭ UFC-مەن كەلىسىمشارت جاساسقانىنا قۋانىشتىمىز. ول – OCTAGON ليگاسى جاۋىنگەرلەرى ءۇشىن اشىلاتىن مۇمكىندىكتەردىڭ جارقىن دالەلى»،—دەدى ليگانىڭ ءباسپاسوز قىزمەتى.
بۇعان دەيىن UFC ۇيىمىمەن جالعاس جۇماعۇلوۆ، سەرگەي موروزوۆ، شاۆكات راحمونوۆ، اسۋ الماباەۆ جانە ماريا اگاپوۆا كەلىسىمگە قول قويعان ەدى.
ايتا كەتەيىك، جەڭىل سالماقتا ونەر كورسەتەتىن ازات ماقسۇم مانسابىندا 16 كەزدەسۋ وتكىزىپ، بارلىعىندا قارسىلاستارىنان باسىم ءتۇستى.
