"اقىلدى قويان"- بالاڭىزدىڭ جان دوسى!

701

"اقىلدى قويان"  قازاق بالالارىنىڭ ينتەللەكتۋالدىق دەڭگەيىن كوتەرۋگە ارنالعان ەلەكتروندى وقۋ قۇرالى.

جاقىندا دوسىمنىڭ ۇيىنە قوناققا بارىپ، تاماشا دۇنيەنىڭ ۇستىنەن ءتۇستىم. دوسىمنىڭ كىشكەنتاي بالاسى قويان ويىنشىقپەن ويناپ وتىر. باسقا بالالارداي سمارتفوندا، پلانشەتتە شارۋاسى جوق. "اقىلدى قويان" دەپ اتالاتىن ويىنشىعى جان سەرىگى ەكەن. سونىمەن وينايدى، بىرگە تاماقتانادى. قوينىنا الىپ ۇيىقتايدى. ەڭ باستىسى، بالانى انا تىلىندە، سالت-داستۇرگە تاربيەلەيدى ەكەن. سودان مەندە دە قىزىعۋشىلىق پايدا بولىپ، وسى قويان تۋرالى جان-جاقتى سۇراستىرا باستادىم.

ويىنشىق جوعارى ساپادا، بالالارعا زالالسىز، باعاسى قولجەتىمدى. «اقىلدى قويان» ينتەللەكتۋالدىق وقۋ قۇرالى جاڭا تۋعان سابيدەن باستاپ -12 جاس ارالىعىنداعى  بالالارعا ارنالعان ەكەن.

كولەمى 800 شۋماقتان تۇراتىن 88 ءتۇرلى تاقپاق، قازاق حالىق ەرتەگىلەرى مەن شەتەل حالىقتارىنىڭ ەرتەگىلەرىن قامتىعان 120 ەرتەگى، قازاق حالقىنىڭ ادەت-عۇرىپ، ۇلتتىق دۇنيە تانىمعا قاتىستى 1500-گە جۋىق اتاۋعا تۇسىنىك بەرىلگەن. سونىمەن قاتار، ماقال-ماتەل، جاڭىلتپاش، ىرىمدار مەن تىيىمدار، اباي ولەڭدەرىن قامتىعان 500-گە جۋىق مازمۇن مەن 200-دەن استام قازاقشا، اعىلشىنشا،  اندەر قامتىلعان.

باي مازمۇنىنا جاراسا، قۇرىلعى دا بالالاردىڭ ەستەتيكالىق تالعامىنا شاقتالىپ جاسالعان. «اقىلدى قوياننىڭ» ءتۇستى شىراقتارىنان شىققان قۇبىلمالى نۇر تۇنگى اسپاندى ەلەستەتىپ، بالالاردى قيال كوكجيەگىنە باستاسا، بۇكتەلىپ ۇستاۋعا يكەمدى قۇلاقتارى بالالاردىڭ نازارىن وزىنە اۋدارىپ، بىردەن باۋراپ اكەتەردەي اسەم جوبالانعان.

اتالمىش قۇرىلعىعا ەنگىزىلگەن دىبىستاردى قازاق راديوسىنىڭ بەلدى جۇرگىزۋشىسى – جانار سايلاۋبەكقىزى، شىڭجاڭداعى قازاق راديوسىنىڭ «كۇمىس كومەي» ديكتورى – قاينيكامال جولىمبەتقىزى، شىڭجاڭ تەلەارناسىنىڭ بەلدى دىبىس اكتەرلارى – سەرعازى تولەۋحانۇلى مەن جاينا عيناياتقىزى، شىڭجاڭ قازاعىنا تانىمال كومپوزيتور، ءانشى عيزات ساكەنۇلى دىبىستاعان

جوبا اۆتورى – ۇزاق جىلدارى اعارتۋ سالاسىندا تەر توككەن پەداگوگ، بەلگىلى اقىن قاناتقان ابىلعاليۇلى. اعارتۋ ءىسىنىڭ قىر-سىرىن قانىق بىلگەن جوبا اۆتورى تالمىش قۇرىلعىنىڭ ىشكى ساپاسى دا جان-جاقتى ويلاستىرىپ، بىلىكتى مامانداردىڭ «سۇزگىسىنەن» وتكىزىپتى.

"اقىلدى قويان" ويىنشىعى ءارى وقۋ قۇرالى جاس ۇرپاقتىڭ بويىنا قازاقى دۇنيەتانىم قالىپتاستىرىپ، بويلارىنا قازاقى «قان جۇگىرتۋدى» كوزدەگەن بىرەگەي ءونىم! بۇگىنگى تاڭدا قازاقستاندىقتاردىڭ سۇرانىسىنا يە ەلەكتروندى ويىنشىققا اينالىپ وتىر.

وڭعار جومارتۇلى

"ادىرنا" ۇلتتىق پورتالى

پىكىرلەر
رەداكتسيا تاڭداۋى