ۇكىمەت قاۋلىسىمەن ابزال بەيسەنبەكۇلى قر قارجى ۆيتسە-ءمينيسترى قىزمەتىنە تاعايىندالدى. بۇل تۋرالى ۇكىمەتتىڭ ءباسپاسوز قىزمەتى جازدى، دەپ حابارلايدى «ادىرنا» ءتىلشىسى.
ابزال بەيسەنبەكۇلى 1985 جىلى جامبىل وبلىسىندا دۇنيەگە كەلگەن.
م. ح. دۋلاتي اتىنداعى تاراز مەملەكەتتىك ۋنيۆەرسيتەتىن، نوتتينگەم ۋنيۆەرسيتەتىن (ۇلىبريتانيا), تاراز يننوۆاتسيالىق-گۋمانيتارلىق ۋنيۆەرسيتەتىن بىتىرگەن. پرەزيدەنتتىك جاستار كادر رەزەرۆىنىڭ مۇشەسى.
ەڭبەك جولىن 2007 جىلى قر ءبىلىم جانە عىلىم مينيسترلىگى عىلىم كوميتەتىندە باستاعان.
2008-2010 جىلدارى – ەكونوميكا جانە بيۋدجەتتىك جوسپارلاۋ مينيسترلىگى الەۋمەتتىك سالانى دامىتۋ دەپارتامەنتى ءبىلىم جانە عىلىمدى دامىتۋ باسقارماسىنىڭ ساراپشىسى.
2010-2011 جىلدارى قر قارجى مينيسترلىگى الەۋمەتتىك سالادا بيۋدجەتتىك باعدارلامالاردى جوسپارلاۋ، ولاردىڭ اتقارىلۋىن تالداۋ جانە ىسكە اسىرىلۋىن باعالاۋ دەپارتامەنتىندە جۇمىس ىستەدى.
2011-2019 جىلدارى – قر پرەزيدەنتى اكىمشىلىگىنىڭ الەۋمەتتىك-ەكونوميكالىق مونيتورينگ ءبولىمىنىڭ ساراپشىسى، كونسۋلتانتى، ينسپەكتورى، سەكتور مەڭگەرۋشىسى جانە ءبولىم مەڭگەرۋشىسىنىڭ ورىنباسارى.
2019-2021 جىلدارى جەكە جانە كۆازيمەملەكەتتىك سەكتوردا باسشىلىق قىزمەتتەر اتقاردى.
2021 جىلعى ناۋرىزدان باستاپ قازىرگى ۋاقىتقا دەيىن قر قارجى مينيسترلىگىنىڭ اپپارات باسشىسى قىزمەتىن اتقاردى.
بۇرىن وسى لاۋازىمدى اتقارعان تاتيانا ميحايلوۆنا ساۆەلەۆا قىزمەتتەن بوساتىلدى.
