QR Qarjy vise-ministrı taǧaiyndaldy

Ükımet qaulysymen Abzal Beisenbekūly QR qarjy vise-ministrı qyzmetıne taǧaiyndaldy. Būl turaly Ükımettıŋ baspasöz qyzmetı jazdy, dep habarlaidy «Adyrna» tılşısı. Abzal Beisenbekūly 1985 jyly Jambyl oblysynda düniege kelgen. M. H. Dulati atyndaǧy Taraz memlekettık universitetın, Nottingem universitetın (Ūlybritaniia), Taraz innovasiialyq-gumanitarlyq universitetın bıtırgen. Prezidenttık jastar kadr rezervınıŋ müşesı. Eŋbek jolyn 2007 jyly QR Bılım jäne ǧylym ministrlıgı Ǧylym komitetınde bastaǧan. 2008-2010 jyldary – Ekonomika jäne biudjettık josparlau ministrlıgı Äleumettık salany damytu departamentı Bılım jäne ǧylymdy damytu basqarmasynyŋ sarapşysy. 2010-2011 jyldary QR Qarjy ministrlıgı Äleumettık salada biudjettık baǧdarlamalardy josparlau, olardyŋ atqaryluyn taldau jäne ıske asyryluyn baǧalau departamentınde jūmys ıstedı. 2011-2019 jyldary – QR Prezidentı Äkımşılıgınıŋ Äleumettık-ekonomikalyq monitoring bölımınıŋ sarapşysy, konsultanty, inspektory, sektor meŋgeruşısı jäne bölım meŋgeruşısınıŋ orynbasary. 2019-2021 jyldary jeke jäne kvazimemlekettık sektorda basşylyq qyzmetter atqardy. 2021 jylǧy nauryzdan bastap qazırgı uaqytqa deiın QR Qarjy ministrlıgınıŋ apparat basşysy qyzmetın atqardy. Būryn osy lauazymdy atqarǧan Tatiana Mihailovna Saveleva qyzmetten bosatyldy.