الماتىنىڭ قاق ورتاسىندا ورنالاسقان كوپ قاباتتى ۇيلەردىڭ بىرىنەن ءورت شىعىپ، ناتيجەسىندە 50 ادام ەۆاكۋاتسيالاندى. بۇل تۋرالى قالالىق توتەنشە جاعدايلار دەپارتامەنتىنىڭ رەسمي وكىلى ساندۋعاش بايمۇحامبەتوۆا مالىمدەدى دەپ جازادى NUR.KZ.
توتەنشە جاعدايدىڭ ورىن العانى تۋرالى حابارلاما "101" قىزمەتىنە ساعات 13:38-دە كەلىپ ءتۇستى.
ءورت سوندىرۋشىلەر حابارلاما تۇسكەن سوڭ، التى مينۋتتا وقيعا ورنىندا بولدى.
ءورت ءسوندىرۋ بارىسىندا ەكىنشى قاباتتىڭ بالكونىندا كيىمدەردىڭ جانعانى انىقتالدى. جالىن پاتەرگە ەنە باستاعان.
ءورت سوندىرۋشىلەر 50 ادامدى ەۆاكۋاتسيالادى. ولاردىڭ ىشىندە سەگىزى كىشكەنتاي بالالار بولىپ شىقتى.
ساعات ەكىدە ءورت تولىعىمەن ءسوندىرىلدى.
ءورت شامامەن 25 شارشى مەتر اۋماقتى قامتىدى. تۇرعىندار اراسىندا زارداپ شەككەندەر جوق.
وقيعا كۋاگەرلەرى ورتەنىپ جاتقان ءۇيدى ۆيدەوعا ءتۇسىرىپ، جەلىگە جۇكتەپ جىبەرگەن.
