قۇرمانعازى وركەسترى ناۋرىز مەيرامىنا ارنالعان «ناۋرىز دۋمان» اتتى مەرەكەلىك كونتسەرتى وتكىزدى

2139
Adyrna.kz Telegram

     كۇن مەن ءتۇننىڭ تەڭەلىپ، جان-دۇنيەنى تىرىلتكەن، شارۋانىڭ ءبىر مالى ەكەۋ بولىپ، ارقا-باسى كەڭىپ، اققا اۋزى تيگەن، قىتىمىر قىستىڭ ىزعارىنان قۇتىلىپ، الداعى شۋاقتى كۇندەردەن ۇمىتتەندىرگەن ناۋرىز مەرەكەسى تاۋەلسىز ەلىمىزدىڭ زور ىقىلاسپەن تويلاناتىن ناعىز حالىقتىق سيپاتتاعى سالتاناتىنا اينالدى.      

ايتۋلى مەرەكەگە وراي، 2023 جىلى 17 ناۋرىز كۇنى ساعات 19.00-دە قۇرمانعازى وركەسترىنىڭ كونتسەرت زالىندا ۇلىستىڭ ۇلى كۇنى ناۋرىز مەيرامىنا ارنالعان «ناۋرىز دۋمان» اتتى مەرەكەلىك كونتسەرتى ءوتتءى.

      كەشتە مادەنيەت سالاسىنىڭ ۇزدىگى بيبىگۇل قيلىمحان، حالىقارالىق جانە رەسپۋبليكالىق كونكۋرستاردىڭ لاۋرەاتتارى تولەگەن راحىمباەۆ، ءبىرجان ءبازىلجان، اسەل راقىمجان, تولەبي نۇرعالي جەكە ونەر كورسەتتى.

        ناۋرىز – بارشا قازاقستاندىقتاردىڭ ورتاق توي-دۋمانى. ناۋرىز – دوستىق پەن ەركىندىكتىڭ مەرەكەسى. ناۋرىز – سالاۋاتتى ءومىردىڭ سالتاناتى. ناۋرىز – قاڭقىلداپ قازدار كەلەتىن، قىرلاردا قىزعالداق بۇرشىك اتىپ، تابيعات-انا گۇل كورپەگە وراناتىن كوكتەم ايى. مەرەكە قۇتتى بولسىن!

پىكىرلەر