سايلاۋعا قاتىستى 9 زاڭبۇزۋشىلىق تىركەلدى – باس پروكۋراتۋرا

1990
Adyrna.kz Telegram

سايلاۋ ۋچاسكەلەرىندە وسى ساعاتتا بىرنەشە زاڭ بۇزۋشىلىق تىركەلگەن. بۇل تۋرالى Baq.kz حابارلادى، دەپ جازادى "ادىرنا" ۇلتتىق پورتالى.

باس پروكۋراتۋرا وكىلى ازامات سارعازين ونلاين مارافونداعى بريفينگ بارىسىندا مالىمدەدى.

سايلاۋ پروتسەسىنىڭ زاڭدىلىعىن جوعارى قاداعالاۋ پروكۋراتۋرا ورگاندارىمەن جالعاستىرۋ جۇمىستارى ءجۇرىپ جاتىر. جۇرگىزىلگەن مونيتورينگ ناتيجەسى بويىنشا سايلاۋ تۋرالى زاڭنامانى بۇزۋدىڭ 9 فاكتىسى تىركەلگەن. ولار الماتى وبلىسىنداعى ەڭبەكشىقازاق، جامبىل، رايىمبەك جانە ۇيعىر اۋداندارىنداعى سايلاۋ ۋچاسكەلەرىندە، جەتىسۋ وبلىسىندا  قاراتال جانە كەربۇلاق اۋداندارىنداعى ۋچاسكەلەرىندە، سقو-داعى ايىرتاۋ جانە جامبىل اۋداندارىنداعى ۋچاسكەلەردە ورىن العان،- دەيدى ازامات سارعازين.

بۇل زاڭ بۇزۋشىلىقتار كوميسسيا مۇشەلەرى تاراپىنان ازاماتتارعا باسقا ادامدار ءۇشىن داۋىس بەرۋگە مۇمكىندىك بەرىلۋىمەن بايلانىستى بولعان. اتالعان ۋچاسكەدەگى بارلىق كوميسسيا مۇشەلەرى شەتتەتىلدى. قازىرگى ۋاقىتتا جەرگىلىكتى پروكۋراتۋرا اكىمشىلىك جاۋاپكەرشىلىك بويىنشا شارالار قولدانۋدا.

ءاربىر سايلاۋشى ءوزى داۋىس بەرەدى. داۋىس بەرۋ قۇقىعىن باسقا بىرەۋگە بەرۋگە، سول سياقتى باسقا ادام ءۇشىن داۋىس بەرۋگە جول بەرىلمەيدى. پروكۋراتۋرا ورگاندارىنا بۇگىن تۇسكەن وتىنىشتەرگە كەلەتىن بولساق داۋىس بەرۋ ءراسىمى باستالعالى بەرى ىقتيمال زاڭ بۇزۋشىلىقتار تۋرالى تۇسكەن 32 ءوتىنىش كەلىپ تۇسكەن. ونىڭ 7-ەۋى باس پروكۋراتۋراعا جولدانعان. تەكسكەرۋ جۇمىستارىن جۇرگىزۋ ءۇشىن جەرگىلىكتى پروكۋرورلارعا جولداندى. قالعان 25-ءى جەرگىلىكتى پروكۋراتۋراعا كەلىپ تۇسكەن. ەلوردادا 4, الماتىدا 2, شىمكەنتتە 3, شقو 6, تۇركىستان وبلىسىندا 4, سولتۇستىك قازاقستان وبلىسنىدا 4, ال  قاراعاندى مەن پاۆلودار وبلىستارىندا 1 وتىنىشتەن تۇسكەن. ولاردىڭ 5-ەۋى بويىنشا ءتۇسىندىرۋ سيپاتىنداعى جاۋاپتار بەرىلدى. 10 ءوتىنىش قۇزىرەتى بويىنشا وكىلەتتى ورگاندارعا جولداندى. ال قالعان 10 ءوتىنىش قارالۋدا،-دەيدى پروكۋراتۋرا وكىلى.

"ادىرنا" ۇلتتىق پورتالى

پىكىرلەر