Saılaýǵa qatysty 9 zańbuzýshylyq tirkeldi – Bas prokýratýra

1988
Adyrna.kz Telegram

Saılaý ýchaskelerinde osy saǵatta birneshe zań buzýshylyq tirkelgen. Bul týraly Baq.kz habarlady, dep jazady "Adyrna" ulttyq portaly.

Bas prokýratýra ókili Azamat Sarǵazın onlaın marafondaǵy brıfıng barysynda málimdedi.

Saılaý proesiniń zańdylyǵyn joǵary qadaǵalaý prokýratýra organdarymen jalǵastyrý jumystary júrip jatyr. Júrgizilgen monıtorıng nátıjesi boıynsha saılaý týraly zańnamany buzýdyń 9 faktisi tirkelgen. Olar Almaty oblysyndaǵy Eńbekshiqazaq, Jambyl, Raıymbek jáne Uıǵyr aýdandaryndaǵy saılaý ýchaskelerinde, Jetisý oblysynda  Qaratal jáne Kerbulaq aýdandaryndaǵy ýchaskelerinde, SQO-daǵy Aıyrtaý jáne Jambyl aýdandaryndaǵy ýchaskelerde oryn alǵan,- deıdi Azamat Sarǵazın.

Bul zań buzýshylyqtar komıssııa músheleri tarapynan azamattarǵa basqa adamdar úshin daýys berýge múmkindik berilýimen baılanysty bolǵan. Atalǵan ýchaskedegi barlyq komıssııa músheleri shettetildi. Qazirgi ýaqytta jergilikti prokýratýra ákimshilik jaýapkershilik boıynsha sharalar qoldanýda.

Árbir saılaýshy ózi daýys beredi. Daýys berý quqyǵyn basqa bireýge berýge, sol sııaqty basqa adam úshin daýys berýge jol berilmeıdi. Prokýratýra organdaryna búgin túsken ótinishterge keletin bolsaq daýys berý rásimi bastalǵaly beri yqtımal zań buzýshylyqtar týraly túsken 32 ótinish kelip túsken. Onyń 7-eýi bas prokýratýraǵa joldanǵan. Tekskerý jumystaryn júrgizý úshin jergilikti prokýrorlarǵa joldandy. Qalǵan 25-i jergilikti prokýratýraǵa kelip túsken. Elordada 4, Almatyda 2, Shymkentte 3, ShQO 6, Túrkistan oblysynda 4, Soltústik Qazaqstan oblysnyda 4, al  Qaraǵandy men Pavlodar oblystarynda 1 ótinishten túsken. Olardyń 5-eýi boıynsha túsindirý sıpatyndaǵy jaýaptar berildi. 10 ótinish quzyreti boıynsha ókiletti organdarǵa joldandy. Al qalǵan 10 ótinish qaralýda,-deıdi prokýratýra ókili.

"Adyrna" ulttyq portaly

Pikirler