14 ناۋرىز كۇنى مەملەكەت باسشىسى قاسىم-جومارت توقاەۆ "اسكەري پوليتسيا ورگاندارى تۋرالى" قازاقستان رەسپۋبليكاسىنىڭ زاڭىنا قول قويدى، بۇل تۋرالى اقوردا مالىمدەدى، دەپ حابارلايدى “ادىرنا” ۇلتتىق پورتالى.
زاڭ اسكەري پوليتسيانىڭ قىزمەتىن جەتىلدىرۋگە باعىتتالعان.
اتاپ ايتقاندا، اسكەري پوليتسيا ورگاندارىنىڭ مىندەتتەرىن، قۇزىرەتتەرىن، قۇرىلىمىن، وكىلەتتىكتەرىن انىقتاۋ، سونداي-اق ىسكە اسىرىلعان فۋنكتسيالاردى زاڭنامالىق بەكىتۋ بولىگىندە وزگەرىستەر قاراستىرىلعان.
سونىمەن قاتار زاڭ اسكەري پوليتسيا ورگاندارىنىڭ قۇقىق قورعاۋ ورگاندارىنا تيەسىلىگى مەن باعىنۋ ءتارتىبىن، سونداي-اق ولاردىڭ ءبىر-بىرىمەن جانە باسقا دا مەملەكەتتىك ورگاندارمەن ءوزارا ءىس-قيمىل ءتارتىبىن رەتتەيدى.
جاڭا زاڭ كۇشىنە ەنگەننەن كەيىن 2005 جىلعى ەسكى زاڭ كۇشىن جويادى.
سونداي-اق پرەزيدەنت "قازاقستان رەسپۋبليكاسىنىڭ كەيبىر زاڭنامالىق اكتىلەرىنە اسكەري پوليتسيا ورگاندارى جانە قورعانىستى ۇيىمداستىرۋ ماسەلەلەرى بويىنشا وزگەرىستەر مەن تولىقتىرۋلار ەنگىزۋ تۋرالى" قازاقستان رەسپۋبليكاسىنىڭ زاڭىنا قول قويدى.
