قمدب-نىڭ توراعاسى سەرىكباي قاجى وراز حازىرەت، جالپى ءمۇفتيات قاشان سىزدەر قوعامعا قاجەتتى ىستەرمەن اينالىساسىزدار؟! مىنالارىڭىز ىڭعايسىز تىرلىك ەمەس پە؟
قازىر سىزدەر "مانيكيۋر جاساۋدىڭ ۇكىمى", "شاش بوياۋدىڭ ۇكىمى", "جاساندى كىرپىك جاپسىرۋدىڭ ۇكىمى" تۋرالى ءپاتۋا شىعارۋدى تالقىلايىن دەپ وتىرسىزدار. وسى قوعامعا قاجەت پە؟
سوندا ءمۇفتيات باسقا ءپاتۋا شىعاراتىن ەشتەڭە تاپپادى ما؟ وكىنىشتى ارينە!
ودان دا نەگە قوعامدا كۇيىپ تۇرعان ماسەلەلەرگە بايلانىستى دەر كەزىندە ءپاتۋا شىعارمايسىزدار؟! كەشەگى كوپبالالى انالاردىڭ جانايقايى، جاسوسپىرىمدەردىڭ قىلمىسقا كوپتەپ بارۋى، جەمقورلىقتىڭ تىم اسقىنىپ كەتكەنىنە قاتىستى ءپاتۋا شىعارساڭىزدار نەتتى؟ ايتپەسە، انانداي بولماشى ءپاتۋا كىمگە كەرەك؟!.
مانيكيۋر-پەديكيۋر، شاش بوياۋ، كىرپىك جابىستىرۋ دەگەندەر قوعامنىڭ سۇرانىسى ما؟ وعان ءپاتۋا نە كەرەك؟..
ءبارىبىر مانيكيۋر-پەديكيۋر، شاش بوياۋ، كىرپىك جابىستىرۋ تۋرالى ءپاتۋالارىڭىزدى الىپ تاستاساڭىزدار دۇرىس بولار ەدى. ونىڭ تۇككە كەرەگى جوق! ونسىز دا قوعام اشىنىپ وتىرعان مىناداي كەزدە، سىزدەردىڭ بولماشى تاقىرىپقا ءپاتۋا شىعارىپ وتىرعاندارىڭىز ءجونسىز دەپ ەسەپتەيمىن! ەرتەڭگى كۇنى مىنا تىرلىكتەرىڭىزبەن تاعى دا كوپشىلىكتىڭ كوڭىلىن قالدىراسىزدار!!!
سىزدەر شىن كوڭىلمەن سىن ايتقان ادامعا رەنجىپ، ونى "الا قارعا" قىلماڭىزدار!
كەرىسىنشە، وسىدان قورىتىندى شىعارساڭىزدار جاقسى-اق بولار ەدى...
سەرىك جۇماباەۆتىڭ فەيسبۋك پاراقشاسىنان
ەستەرىڭىزگە سالا كەتەيىك، بۇگىن استانادا باس ءمۇفتي سەرىكباي قاجى ورازدىڭ توراعالىعىمەن قازاقستان مۇسىلماندارى ءدىني باسقارماسى جانىنداعى عۇلامالار كەڭەسىنىڭ كەزەكتى ءححى ءماجىلىسى باستالدى.
كەڭەس حاتشىسى، PhD دوكتور ەرشات وڭعاروۆ «ءپاتۋالار جيناعى-ءىى» كىتابىنىڭ مازمۇنى جايلى باياندادى.
ماجىلىستە «جەلىلىك ماركەتينگ ۇكىمى»، «پويىز جانە ۇشاقتا ناماز وقۋ ۇكىمى»، «مانيكيۋر جاساۋدىڭ ۇكىمى»، «شاشتى بوياۋدىڭ ۇكىمى»، «جاساندى كىرپىك جاپسىرۋدىڭ ۇكىمى»، «تەلەفون جانە ينتەرنەت ارقىلى نەكە قيۋ ۇكىمى»، ت.ب. تاقىرىپتار توڭىرەگىندە ازىرلەنگەن ءپاتۋالاردىڭ ءماتىنى تالقىلانۋدا.
