QMDB-nyń tóraǵasy Serikbaı qajy Oraz haziret, jalpy Múftııat qashan sizder qoǵamǵa qajetti istermen aınalysasyzdar?! Mynalaryńyz yńǵaısyz tirlik emes pe?
Qazir sizder "Manıkıýr jasaýdyń úkimi", "Shash boıaýdyń úkimi", "Jasandy kirpik japsyrýdyń úkimi" týraly pátýa shyǵarýdy talqylaıyn dep otyrsyzdar. Osy qoǵamǵa qajet pe?
Sonda Múftııat basqa pátýa shyǵaratyn eshteńe tappady ma? Ókinishti árıne!
Odan da nege qoǵamda kúıip turǵan máselelerge baılanysty der kezinde pátýa shyǵarmaısyzdar?! Keshegi kópbalaly analardyń janaıqaıy, jasóspirimderdiń qylmysqa kóptep barýy, jemqorlyqtyń tym asqynyp ketkenine qatysty pátýa shyǵarsańyzdar netti? Áıtpese, anandaı bolmashy pátýa kimge kerek?!.
Manıkıýr-pedıkıýr, shash boıaý, kirpik jabystyrý degender qoǵamnyń suranysy ma? Oǵan pátýa ne kerek?..
Báribir manıkıýr-pedıkıýr, shash boıaý, kirpik jabystyrý týraly pátýalaryńyzdy alyp tastasańyzdar durys bolar edi. Onyń túkke keregi joq! Onsyz da qoǵam ashynyp otyrǵan mynadaı kezde, sizderdiń bolmashy taqyrypqa pátýa shyǵaryp otyrǵandaryńyz jónsiz dep esepteımin! Erteńgi kúni myna tirlikterińizben taǵy da kópshiliktiń kóńilin qaldyrasyzdar!!!
Sizder shyn kóńilmen syn aıtqan adamǵa renjip, ony "ala qarǵa" qylmańyzdar!
Kerisinshe, osydan qorytyndy shyǵarsańyzdar jaqsy-aq bolar edi...
Serik Jumabaevtyń Feısbýk paraqshasynan
Esterińizge sala keteıik, búgin Astanada Bas múftı Serikbaı qajy Orazdyń tóraǵalyǵymen Qazaqstan musylmandary dinı basqarmasy janyndaǵy Ǵulamalar keńesiniń kezekti HHI májilisi bastaldy.
Keńes hatshysy, PhD doktor Ershat Ońǵarov «Pátýalar jınaǵy-II» kitabynyń mazmuny jaıly baıandady.
Májiliste «Jelilik marketıng úkimi», «Poıyz jáne ushaqta namaz oqý úkimi», «Manıkıýr jasaýdyń úkimi», «Shashty boıaýdyń úkimi», «Jasandy kirpik japsyrýdyń úkimi», «Telefon jáne ınternet arqyly neke qııý úkimi», t.b. taqyryptar tóńireginde ázirlengen pátýalardyń mátini talqylanýda.
