قازاقستاننىڭ ەلشىسى بولگاريا رەسپۋبليكاسىنىڭ جوعارعى ناگراداسىمەن ماراپاتتالدى، دەپ جازادى "ادىرنا" ۇلتتىق پورتالى.
بولگاريا رەسپۋبليكاسىنىڭ پرەزيدەنتى رۋمەن رادەۆتىڭ 2023 جىلعى 8 اقپانداعى جارلىعىمەن ءوز ديپلوماتيالىق ميسسياسىن 2022 جىلعى جەلتوقساندا اياقتاعان قازاقستان رەسپۋبليكاسىنىڭ بولگاريا رەسپۋبليكاسىنداعى توتەنشە جانە وكىلەتتى ەلشىسى تەمىرتاي رىمتايۇلى ءىزباستين بولگاريا رەسپۋبليكاسى مەن قازاقستان رەسپۋبليكاسى اراسىنداعى ەكىجاقتى دوستىق قاتىناستاردى نىعايتۋ مەن دامىتۋداعى اسا زور ەڭبەگى ءۇشىن ءبىرىنشى دارەجەلى «مادار سالت اتتى» وردەنىمەن ماراپاتتالدى.
«مادار سالت اتتى» وردەنىمەن بولگاريا جانە شەتەل ازاماتتارى بولگاريا رەسپۋبليكاسىمەن ەكىجاقتى قاتىناستاردى ورناتۋدا، نىعايتۋدا جانە دامىتۋدا ەرەكشە سىڭىرگەن ەڭبەگى ءۇشىن ماراپاتتالادى.
"ادىرنا" ۇلتتىق پورتالى
