وقۋ-اعارتۋ مينيسترلىگى 2022 جىلعى 31 تامىزدا جاريالانعان № 385 بۇيرىققا تولىقتىرۋلار ەنگىزدى، دەپ حابارلايدى «ادىرنا» ءتىلشىسى.
جاڭا وزگەرىستەر بويىنشا وقۋشى مەن مۇعالىمگە ساباق ۇستىندە ۇيالى تەلەفون پايدالانۋعا تىيىم سالىنادى.
«مۇعالىمنىڭ شەشىمى بويىنشا ساباقتا ولاردى قولدانۋ قاجەتتىلىگىن ەسەپكە الماعاندا، ءبىلىم الۋشىلار مەن پەداگوگتار ساباقتاردا ءموبيلدى بايلانىس قۇرالدارىن پايدالانبايدى»،—دەلىنگەن قۇجاتتا.
سونداي-اق ءبىلىم الۋشى تەرىس قىلىقتار جاساعان، مەكتەپتىڭ ىشكى ءتارتىپ قاعيدالارى تالاپتارىن بۇزعان كەزدە ونى ساباقتاردان شەتتەتۋگە، سونداي-اق اتا-اناسىنىڭ نەمەسە وزگە دە زاڭدى وكىلدەرىنىڭ قاسىندا ەرىپ ءجۇرۋىنسىز ءبىلىم بەرۋ ۇيىمىنان شىعارۋعا جول بەرىلمەيدى.
