Bereke Bank اقش-تىڭ سانكتسيالار تىزىمىنەن شىعارىلدى

1954
Adyrna.kz Telegram

امەريكا قۇراما شتاتتارىنىڭ قارجى مينيسترلىگى Bereke Bank-ءتى سانكتسيا سالىنعان قارجىلىق ۇيىمدار تىزىمىنەن شىعاردى. بۇل تۋرالى قازاقپارات حابارلادى، دەپ جازادى "ادىرنا" ۇلتتىق پورتالى. 

ۋكرايناداعى جاعدايدان كەيىن رەسەيلىك «سبەربانكتىڭ» قازاقستانداعى ەنشىلەس بانكى «بايتەرەك» ۇلتتىق باسقارۋ حولدينگىنىڭ ەنشىسىنە ءوتىپ، اتى Bereke Bank بولىپ وزگەرگەنى بەلگىلى. اق قارجى مينيسترلىگىنىڭ رەسمي سايتىندا وسى Bereke Bank-ءتىڭ سانكتسيا سالىنعان قارجىلىق ۇيىمدار تىزىمىنەن شىعارىلعانى تۋرالى مالىمەت شىقتى.

ناقتىراق ايتساق، شەتەلدىك اكتيۆتەردى باقىلاۋ باسقارماسىنىڭ سانكتسيالىق SDN-تىزىمىنەن شىعارىلعان.

سانكتسيالىق تىزىمنەن شىعارىلعان Bereke Bank سايتتاعى قۇجاتتا ءتورت ءتۇرلى اتاۋمەن بەرىلگەن: «رەسەي سەبربانكىنىڭ ەنشىلەس بانكى»، SB SBERBANK, «رەسەي سبەربانكىنىڭ ەنشىلەس اكتسيونەرلىك قوعامى جانە TEXAKABANK.

بىلتىر «بايتەرەك» ۇلتتىق باسقارۋشى حولدينگىنىڭ باسقارما توراعاسى قانات شارلاپاەۆ «Bereke Bank»-ءتىڭ قوردالانعان شىعىنى مەملەكەت ەسەبىنەن وتەلمەيتىنىن مالىم ەتكەن ەدى.

"ادىرنا" ۇلتتىق پورتالى 

پىكىرلەر