بەلگىلى پروديۋسەر بايان الاگوزوۆا «قىز جىبەك» فيلمىندەگى اڭىزعا اينالعان قامزولدى قازاقستاننىڭ حالىق ءارتىسى، تۋىندىدا باستى ءرولدى سومداعان مەرۋەرت وتەكەشەۆاعا تابىستادى. بۇل تۋرالى ول Instagram جەلىسىندە ايتتى، دەپ حابارلايدى «ادىرنا» ءتىلشىسى.
«قازىر وسى قامزولدى سىزگە تابىستاعىم كەلەدى. ونىڭ تاعدىرىن ءوزىڭىز شەشۋىڭىز كەرەك دەپ ويلايمىن»، — دەدى پروديۋسەر اكتريساعا.
بايان ماقساتقىزى قامزولدى العاش كورگەندە كوزىنە جاس العانىن دا جاسىرمادى.
«56 جىل ءوتتى. ءپىشىنى ساقتالعان. ءتىپتى جاعاسىنداعى تەرىسى دە بار ەكەنىنە تاڭعالىپ وتىرمىن»، — دەدى مەرۋەرت وتەكەشەۆا كيىمدى قاراپ وتىرىپ.
سونداي-اق بايان الاگوزوۆا اكتريساعا استانادان پاتەر سىيلاۋ تۋرالى شەشىم قابىلداعانىن ايتتى. بۇل قادامىن پروديۋسەر ەڭبەك سىڭىرگەن اكتريسانى قولداۋ جانە ونىڭ وتاندىق مادەنيەتكە قوسقان ۇلەسىنە قۇرمەت ءبىلدىرۋ نيەتىمەن ءتۇسىندىردى.
ەسكە سالايىق، بۇعان دەيىن مەرۋەرت وتەكەشەۆا جۋرناليست مايا بەكباەۆاعا بەرگەن سۇحباتىندا جالدامالى پاتەردە تۇراتىنىن ايتقان ەدى. ونىڭ سوزىنشە، جەكە باسپاناسىن قىزىنىڭ ەمىنە قارجى تابۋ ءۇشىن ساتىپ جىبەرگەن.
