Otbasy ınstıtýty, genderlik teńdikti qamtamasyz etý – memlekettik saıasattyń asa mańyzdy basymdyǵyna aınalyp otyr. Bul týraly Shymkent qalasynda ótken SEN 1-shi qazaqstandyq jas áıelder forýmynyń ashylýynda Shymkent qalasynyń ákimi Murat Áıtenov málimdedi.
Qala ákimdiginiń qoldaýymen uıymdastyrylǵan forýmnyń maqsaty – jas áıelderdi, qyz-kelinshekterdi ómirde tabysqa jetýge umtyldyrý. Forým uıymdastyrýshylary «Ózińe sen, otbasyńa sen, elińe sen – seniń qolyńnan bári keledi!» degen oıdy jastarǵa jetkizýdi kózdeıdi.
- Tirshilikke mán syılaıtyn abzal jandar, bul – áıelder qaýymy. Qazaq qyzdarynyń tarıhta qaldyrǵan izi az emes. Osyndaı ardaqty arýlarymyzdyń dańqty jolyn Sizder abyroımen jalǵap kelesizder, – degen Murat Dúısenbekuly Shymkent qalasynda áıelder qaýymy úshin jańa múmkindikterge keńinen jol ashylǵanyn atap ótti.
Aıta keteıik, forým qatysýshylarynyń arasynda «Bıznes ınkýbator» baıqaýynyń jeńimpazdary, «Atameken», «Damý» korporaııasynyń grant ıegerleri, óziniń otbasylyq bıznesin bastaǵan kópbalaly analar bar. Óz kezeginde tabysty, isker áıelder ózin ózi damytý, qarjyny basqarý, densaýlyqty kútý men jeke ómirge qatysty paıdaly keńesterimen bólisti.
Forýma spıkerleriniń qatarynda Merýert Ótekesheva, Maıra Muhamedqyzy, Láılá Sultanqyzy, Araılym Áýelbekova, Hanzada Esenova, Aıka Alemı, Janııa Dabyr syndy kóshbasshy áıelder bar.
Forýmnyń arnaıy qonaǵy – Skolkovo Máskeý basqarý mektebiniń prorektory, áıelder baǵdarlamalarynyń dırektory Marına Karban qatysýshylarmen onlaın rejımde tildesip, qazaqstandyq qyz-kelinshekterge sáttilik tiledi.
Bul forýmǵa qatysýshylar jyl boıy spıkerlermen turaqty qarym-qatynas ornatyp, úzdik shyqqan jastar Máskeý qalasyndaǵy Skolkovoǵa sheberlik synyptaryna jiberiletin bolady.
