الماتىدا اسكەري ينستيتۋتتىڭ كۋرسانتى ءولى كۇيىندە تابىلدى. قايعىلى حاباردى قورعانىس مينيسترلىگىنىڭ ءباسپاسوز قىزمەتى جەتكىزدى، دەپ حابارلايدى «ادىرنا» ءتىلشىسى.
«3 ناۋرىزدا قۇرلىق اسكەرلەرى اسكەري ينستيتۋتىنىڭ وقۋ ورتالىعىنىڭ قاراۋىلدىق پوستىندا 1 كۋرس كۋرسانتى ءومىر بەلگىلەرىسىز تابىلدى. اتالعان فاكتى بويىنشا سوتقا دەيىنگى تەرگەۋ باستالدى. وقيعانىڭ ءمان-جايىن انىقتاۋعا قۇرلىق اسكەرلەرى باس قولباسشىسىنىڭ ءبىرىنشى ورىنباسارىنىڭ باستاۋىمەن ارنايى كوميسسيا جىبەرىلدى»، - دەلىنگەن حابارامادا.
قر قىلمىستىق-پروتسەستىك كودەكسىنىڭ 201-بابىنا سايكەس وزگە اقپارات تەرگەۋ مۇددەسى ءۇشىن جاريا ەتۋگە جاتپايدى.
قارۋلى كۇشتەردىڭ باسشىلىعى مەن جەكە قۇرامى ساربازدىڭ وتباسى مەن جاقىندارىنا ورنى تولماس قازاسىنا ورتاقتاسىپ، قايعىرا كوڭىل ايتادى.